15 İyul 2020, 16:58 | Ana Səhifə - Yazılar - İndi 1990-cı illərin əvvəlləri deyil ki...
İndi 1990-cı illərin əvvəlləri deyil ki...

Elman Babayev

Arzuolunmaz xaotik təşəbbüslər dövlətimizə zərbə vurmaq niyyəti güdür


Öncə o məsələyə aydınlıq gətirək ki, iyulun 14-15-də gecə saatlarında keçirilən aksiyanın məqsədi nə idi? Bu spontan aksiya nəyin göstəricisi idi?

Azərbaycan Ordusuna dəstək məqsədilə keçirilmiş aksiya, ilk növbədə cəmiyyətimizdə vətənpərvəlik ruhunun yüksək olduğunu bir daha bütün dünyaya nümayiş etdirdi. Nümayiş etdirdi ki, bu millət torpaq milli məsələsində bölünmür, əksinə bir yumruq kimi dövlətinin ətrafında birləşə bilir. Nümayiş etdirdi ki, xalq torpaq məsələsində heç nəyə güzəştə getməyəcək, qəhrəmanlıqlara imza atan Ordusunun arxasında bir nəfər kimi dayanıb...
Aksiyanın niyyəti də qürurverici idi; vətənpərvərlik, səfərbərlik elan olunması istəyi, ordu sıralarında qulluq etmək niyyəti və s.


Bəli, orduya dəstək hər bir vətəndaşın borcu, ən ümdə vəzifəsidir. Xüsusilə, indiki məqamda. Ona görə də bu məqsədlə müxtəlif tədbirlərin, aksiyaların keçirilməsi başadüşüləndir.


Son aksiyaya hakimiyyətin yanaşması da fərqli deyildi. Aksiyaya polis hər hansı müdaxilə etmirdi. Baxmayaraq ki, ölkə sərt karantin rejimində yaşayır. Pandemiyanın yayılması tempi azalmayıb. Ölkədə kütləvi aksiyalar qadağan edilib. Fəqət vətənpərvərlik, ordu ilə bir yerdə olmaq kimi ülvi hisslərə görə bütün qayda pozuntilarına göz yumuldu.


Sonra baş verənlər isə artıq hamımıza məlumdur. Aksiyanın gedişatı arzuolunmaz istiqamət aldı. Kütləvi tədbir üçün yaradılmış münbit şəraitdən sui-istifadə hallarına yol verildi. Öncə prosesə siyasi məzmun verməyə, ardınca onu nəzarətdən çıxartmağa, neqativ emosiyaların formalaşdırılmasına cəhdlər göstərildi. Paralel olaraq, məlum sosial şəbəkə səhifələri hərəkətə gətirildi. Bu səhifələr vasitəsilə həm cəbhə xəttində, həm də paytaxtda arzuolunmaz proseslərin baş verməsi barədə həqiqiətə uyğun olmayan informasiyalar dövriyyəyə buraxıldı.
Nəticə isə göz önündədir...


Düşmənlə sərhəddə hərbi əməliyyatlar getdiyi bir vaxtda bir qrup şəxsin Bakının küçələrində iğtişaş yaratmaq cəhdləri, Milli Məclisin binasına girərək vandallıq törətməsi, polislərə qarşı zor tətbiq olunması təkcə qanunlaramı ziddir? Bu, ilk növbədə son döyüşlərdə şəhid olan hərbiçilərimizin ruhuna hörmətsizlikdir!


Qısası, ölkədə 1990-cı illərin rüzgarlarını əsdirməyə cəhd edildi. Həmin dövrdə yaşanan gərgin hadisələr, anarxiya, özbaşınalıq və xaos yaddaşlara əbədi həkk olunub. Arzuolunmaz ssenari düzənləmək istəyənlər isə unudublar ki, nə dövlət həmin dövlətdir, nə cəmiyyət! İndi dövlət cox güclüdür, cəmiyyət isə ağı-qaradan seçə bilir; hər bir şeyi, dövlətinin torpaq məsələsində güzəştsiz mövqeyini, bu mövqeyi tamamlayan addımları aydın görür. Bu səbəbdən də bəzi siyasi qrupların, şəxslərin bir daha hərc-mərclik yaratmaq, ölkəmizi yenidən o dövrə qaytarmaq cəhdləri heç bir halda baş tutmayacaq.


Bəli, Azərbaycan indi olduqca güclü dövlətə çevrilib. Əldə olunan nailiyyətlər sırasında təhlükəsizlik, güclü ordu, əmin-amanlıq, sabitlik, inkişaf və sosial rifah öndə gəlir. Son illər cəbhədə düşmənə verilən cavab, bir qarış olsun belə torpaq verməmək,əksinə yeni mövqelər əldə etmək məhz bu gücün real ifadəsidir.


Azərbaycan indiki məqama xalqımızın əyilməz iradəsi, uzun illərin əziyyəti və zəhməti, şəhidlərimizin qanı bahasına gəlib çatıb. Bu uğurları hər vəchlə qorumaq, inkişaf etdirmək və istənilən pozuculuğa qarşı mövqeyimizi nümayiş etdirmək hər birimizin vətəndaşlıq görəvidir.


Doğma Azərbaycanımızın növbəti tarixi sınaq qarşısında üzüağ çıxması üçün bir olmalıyıq! Həm pandemiya ilə mübarizədə, həm də cəbhədə düşmənə qarşı milli birlik, həmrəylik, güclü milli iradə nümayiş etdirmək yolundan sapmamalıyıq! Hazırda bizə bütün səylərimizi səfərbər etmək vacibdir; hər birimiz məsuliyyətlə davranmalı, nizam-intizama riayət etməli, cəmiyyətimizdəki mövcud təhlükəsizliyi və sabitliyi qoruyub saxlamağa töhfə verməliyik!


İndi 1990-cı illərin əvvəlləri deyil ki, nizami ordu olmadığına görə, vətəndaşlar öz gücünə torpaqlarımızı müdafiə etmək məcburiyyətinə əl atsınlar. Bu gün Azərbaycan güclü orduya malikdir və Azərbaycan Ordusu Ali Baş Komandanın əmri ilə qarşısına qoyulan istənilən vəzifəni yerinə yetirməyə, o cümlədən torpaqlarımızı işğaldan azad etməyə qadirdir. Heç kim şübhə etmir ki, əlverişli məqamda bu, mütləq baş verəcək...


Güclü Azərbaycan Ordusu düşmənin istənilən təxribatına, həmləsinə layiqli cavab vermək iqtidarındadır. 2016-cı ilin aprel döyüşləri, hazırda Azərbaycan-Ermənistan sərhədində baş verən hadisələr bunu bir daha isbat edir.

 

Belə bir şəraitdə arzuolunmaz xaotik təşəbbüslər yalnız və yalnız dövlətimizə zərbə vurmaq niyyəti güdür. Bu addımlar düşmənlərimizi sevindirə, ölkəmiz, silahlı qüvvələrimiz haqqında uydurmalarını daha da genişləndirməyə imkan yarada bilər. Bunu görmək üçün düşmən mətbuatın son aksiyaya yanaşmasını izləmək kifayətdir.


Güzlü ordumuzun öz missiyasını şərəflə yerinə yetirməsinə baxmayaraq, silaha sarılmaq və cəbhə bölgəsinə getmək çağırışları, ayrı-ayrı şəxslərin cəbhə xəttinə yürüş təşkil etmək cəhdləri yolverilməz və qəbulolunmazdır. Çünki bu, düşmənin əlinə oynamaqdan başqa heç nəyə yaramayacaq!

MÜƏLLİFİN DİGƏR YAZILARI
Dünyanın ən varlı ermənisi Paşinyanı istefaya SƏSLƏDİ 4 Dekabr 2020, 12:42 Şəhid xanəndənin ailəsi üçün ev tikiləcək - VİDEO 4 Dekabr 2020, 12:32 Dağ Yəhudiləri İcmasında şəhidlərin xatirəsi anıldı - FOTO 4 Dekabr 2020, 12:26 AQTA 43 obyektdə koronavirusla bağlı qayda pozuntusu aşkarladı 4 Dekabr 2020, 12:20 Hikmət Hacıyevdən şəhidlərimizlə bağlı PAYLAŞIM 4 Dekabr 2020, 12:15 Niderland Krallığında yaşayan soydaşlarımız etiraz olaraq aksiya keçiriblər 4 Dekabr 2020, 12:11 Azərbaycan xalqı Şəhidlər xiyabanını ziyarət edir 4 Dekabr 2020, 12:08 “İRS” jurnalının İsraildə ilk sayı nəşr olunub 4 Dekabr 2020, 12:03 Şəhidlərimizin xatirəsi 1 dəqiqəlik sükutla anıldı - VİDEO 4 Dekabr 2020, 12:00 Paşinyanı duelə çağırdılar 4 Dekabr 2020, 11:55 Fransa Senatının təşəbbüsü Avropa ölkələrində dəstəklənmir 4 Dekabr 2020, 11:51 Prezident və Birinci xanım Şəhidlər Xiyabanında... - VİDEO 4 Dekabr 2020, 11:47 Maska, yoxsa yaşmaq? 4 Dekabr 2020, 11:42 Azərbaycan tarixdə heç zaman bu qədər güclü olmamışdı 4 Dekabr 2020, 11:40 Deputat Tural Gəncəliyev də virusa yoluxdu 4 Dekabr 2020, 11:37 Evdən çıxan 17 koronavirus xəstəsinə cinayət işi açıldı  4 Dekabr 2020, 11:33 Şəhid Vüsal Məhərrəmov: Vətən uğrunda ölümü ilə əbədiləşən qəhrəman 4 Dekabr 2020, 11:32 485 arzuolunmaz fransız... 4 Dekabr 2020, 11:28 Şuşa uğrunda şəhid olan kapitan - FOTO 4 Dekabr 2020, 11:22 Mağazalardan oğurluq edən şəxs saxlanıldı - FOTO 4 Dekabr 2020, 11:16 İlham Əliyev: “Qarabağ münaqişəsi hərbi-siyasi yollarla həll edilib” 4 Dekabr 2020, 11:10 Gürcüstanda koronavirusa sutkalıq yoluxma sayı 5 mini ötdü 4 Dekabr 2020, 11:04 Ermənistanda yaşayanların sayı AZALIB 4 Dekabr 2020, 10:58 “Fransa hökuməti Qarabağın müstəqilliyini tanımır” - Səfir 4 Dekabr 2020, 10:52 Prezident şəhidlərimizlə bağlı paylaşım etdi 4 Dekabr 2020, 10:46 Bakıda COVİD 19-a ən çox yoluxan rayonlar - SİYAHI 4 Dekabr 2020, 10:40 Ermənistan itkilərinin bir hissəsini AÇIQLADI 4 Dekabr 2020, 10:34 Mahir Qabiloğlunun ad günündə “İTBAŞI” romanının 3-cü hissəsi çap olundu 4 Dekabr 2020, 10:28 İlham Əliyev: “Dünya pandemiyanın növbəti dalğası ilə üzləşib” 4 Dekabr 2020, 10:22 Koronavirusa yoluxma üzrə lider rayonlar - SİYAHI 4 Dekabr 2020, 10:16 “Təcavüzkar dövlət sülhə məcbur edildi” - İlham Əliyevin BMT Baş Assambleyasındakı ÇIXIŞI 4 Dekabr 2020, 10:10 Deputatdan növbəti onlayn qəbul  4 Dekabr 2020, 10:04 Fransa səfiri Xarici İşlər Nazirliyinə çağırılacaq - RƏSMİ 4 Dekabr 2020, 09:58 Hərbi icmalçı Ordumuzun itkilərini ŞƏRH ETDİ: “Əsas çətinlik cəbhə xətti yarılarkən olub”   4 Dekabr 2020, 09:52 Bakıda koronavirus xəstəsinə cinayət işi açıldı 4 Dekabr 2020, 09:46
SORĞU Cəbhə xəbərlərini hansı mənbədən alırsınız?