27 May 2021, 10:41 | Ana Səhifə - Yazılar - Hüsü kişinin gördükləri eşitdikləri və dedikləri - IV Yazı
Hüsü kişinin gördükləri eşitdikləri və dedikləri - IV Yazı

Akif Təvəkküloğlu,
Əməkdar jurnalist

İnsan təbiətin bir parçasıdır. Havamızı, suyumuzu, qidamızı təbiətdən alırıq. Siyahını uzatmaq da olar. Təbiətdən aldığımız zövq başqa aləmdir. Bu, ruhumuzun qidasıdır. Hər kəs öz rahatlığını və dincliyini təbiətin əsrarəngiz gözəlliyində, dilbər guşələrində tapır. İstirahət günlərini təbiət qoynunda keçirməyə can atmağımız da yəqin ki, elə bundan qaynaqlanır. Yaşıllıqlar, meşələr, dağlar, dərələr, çaylar insanı özünə cəlb edir,  qoynuna səsləyir. İnsan zaman və imkan daxilində bəzən bu çağırışa məmnuniyyətlə cavab verir....

 

Mayası torpaq olan təbiətə insan əlinin sığalı çəkildikdə isə o daha da gözəlləşir, bərəkətli olur. Deməli, bu təbiətin bir parçası olan insana da aiddir. “Ana torpaq” deyimi elə-belə yaranmayıb ki... Bir  deyim də var:  “Torpaq  deyər, sən mənə tər  ver, mən sənə zər  verim.” 

 

Fiziki qidanın da böyük əksəriyyətini torpaqdan alırıq. İnsan öz əli ilə torpağa sığal çəkdikcə həm ətraf mühit daha da gözəlləşir, həm də bərəkət artır. Torpaqla, təbiətlə düzgün rəftar çox mühüm amil, torpağın dilini bilmək vacib şərtdir. Naşı adamların naşı rəftarı təbiətdə böyük fəsadlar yarada bilir. 

 

...Hüsü kişi torpağı sevən adamdır. Onun bu barədə çox söhbətlərini eşitmişəm. Yeniyetməlik çağlarında ondan eşitdiyim bir söhbətə o vaxtlar yaşıdlarımla bərabər mən də gülmüşdüm. Amma sonralar həmin hadisənin mahiyyətini dərk edəndə başa düşmüşdüm ki, həqiqətən də “çörək bişirməyi çörəkçiyə tapşırmaq” lazımdır.

 

Hüsü dayı söyləyirdi ki, günlərin bir günü sovxozların birinə yeni gənc sədr gətirilir. Sovxoz da əsasən meyvəçiliklə məşğul imiş. Gənc sədr kənd camaatını yığır sovxozun klubuna və gələcək işlərdən,  öz planlarından söhbət açır. Odlu-alovlu danışırmış. Amma elə mürəkkəb cümlələr  və dolaşıq  fikirlər işlədirmiş ki, kənd adamlarının çoxusu anlaya bilmirmiş.

 

- A kişi, o nə dedi?

- Ay qız, o nə danışır?

- A bala, bir sakit olun, görək söhbət nədən gedir?

 

Nə isə... İclasın əvvəlindən sonuna kimi bu cür sualların sayı-hesabı olmayıb. Sonda isə məlum oldu ki, bir-iki adamdan başqa heç kim heç nə anlamayıb. Yaşlı bir kişi xeyli adamı ətrafına toplayaraq onlara suallar yağdırıb:

 

- A bala, siz bir şey anladınız. Bəlkə mən qanmıram. Vallah rəhmətlik Məşədi İbadın sözü olmasın mən “Tarixi-Nadir”i yarıya qədər oxumuşam, amma bu cavan sədrin danışığından bir şey qanmadım... 

 

“Allah Kərimdi, görək nə olur” deyən camaat evlərinə dağılışır.

 

Hüsü dayı deyirdi ki, səhər tezdən işə gedən adamlar qəribə bir mənzərənin şahidi olurlar. Meyvə bağlarındakı ağaclar kütləvi şəkildə kəsilib, böyrü  üstə  yıxılıbmış... Camaat  heyrətlə, maddım-maddım bir-birinin üzünə baxıb baş verənləri anlamağa çalışırmış. İşçilər ağac kəsənlərdən niyə belə etdiklərini soruşanda cavab bir olub: “Sovxozun təzə sədrinin göstərişidir!”

 

Camaat ağackəsənlərdən dərhal bu  qəddarlığı  dayandırmağı tələb  edir və onları bağdan qovur. Sonra sovxoz idarəsinə üz tutur,  amma sədri orada tapa bilmirlər. Çünki gənc sədr hələ səhər yeməyini bitirməyibmiş...

 

Günortaya yaxın  yeni sədr idarəyə yaxınlaşanda burada xeyli adamların yığışdığını görür. Yan - yörəsindəkilərdən bunun səbəbini soruşur. Onlar isə həqiqəti demək əvəzinə toplaşanları boşboğaz və araqarışdıranlar kimi təqdim edirlər. Adamların dağılışmadığını görən sədr bir neçə ağsaqqalı qəbul edir və bu hay-küyün səbəbini öyrənmək istəyir. Ağsaqqallardan biri:

 

- Bala, bunu sən özündən soruş. Bar verən ağacları niyə böyrü üstə qoydurmusan, kütləvi şəkildə qırdırırsan?

- Mən orada təzə ağaclar əkdirib, yeni bağlar salacağam...  

 

Bu cavabdan heyrətlənən ağsaqqallar:

 

- A bala, bu harada yazılıb, hardan oxumusan bunu? Bu bağlar uzun illərin zəhmətinin bəhrəsidir. Ağacların bol bar verən vaxtıdır. Onların hər birinin ərsəyə gəlməsi üçün illər lazım olub. Camaat min bir əzab-əziyyət hesabına bu bağları salıb. İndi sən gəlib özündən hoqqa çıxardıb bar verən bağları məhv edib yerində təzə körpə ağaclar əkdirəcəksən? Harada görünüb bu? Yeni bağ salmaq istəyirsən, sal! Amma hazırkı bağların yaxınlığında. Körpə ağaclar bar verən ağaclar vasitəsi ilə tozlansınlar. Yeni bağların bar verməsi üçün illər lazım olacaq...

 

Sədr deyir:

 

- A kişilər, siz nə danışırsınız, toz nədir, mən qoymaram o ağaclar çirklənsin, üzərlərinə toz qonsun. Mən hər gün onları yuduzduracam...

 

Ağsaqqallar gördülər ki, bu həna o hənadan deyil. Gənc sədr biologiya, botanika elminin “b”-sını  bilmir, elmi-ürfandan, dünyadan xəbərsizdir. Mübahisənin xeyri yoxdur. Üz tuturlar lazım olan yerlərə...

 

Söhbətin  bu yerini Hüsü kişi  çox  baməzə  şəkildə  tamamlayırdı:

 

- Bilirsiniz, o gənc sədrin aqibəti necə oldu? Yerlə-yeksan etdiyi bağların taleyi kimi...

 

 

Müştərilərə qəlyan təklif edən istirahət mərkəzi aşkarlandı 17 Sentyabr 2021, 10:50 Dünyanın ən nüfuzlu biznes reytinqi ləğv edildi - Səbəblərdən biri Azərbaycandır 17 Sentyabr 2021, 10:44 ADU-da “Neftçilər günü” ilə bağlı mühazirə təşkil edildi 17 Sentyabr 2021, 10:40 DYP-dən həftə sonu sərnişin daşıyanlara XƏBƏRDARLIQ 17 Sentyabr 2021, 10:36 Rusiya Azərbaycana taxta ixracını dayandırdı 17 Sentyabr 2021, 10:32 Səyyad Əlizadə ECMO aparatına qoşuldu 17 Sentyabr 2021, 10:30 Pakistan Prezidenti azərbaycanlı səfirin etimadnaməsini qəbul etdi - FOTO 17 Sentyabr 2021, 10:25 Polis Akademiyasına bu il qəbul olunanların sayı AÇIQLANDI 17 Sentyabr 2021, 10:19 Azərbaycanda tanınmış alim vəfat etdi - FOTO 17 Sentyabr 2021, 10:13 Paşinyan Rəisi ilə Gorus-Qafan yolunu MÜZAKİRƏ ETDİ 17 Sentyabr 2021, 10:12 Azərbaycanlı kriminal avtoritet müğənni ilə evləndi - FOTO 17 Sentyabr 2021, 10:06 Nazir Təhlükəsizlik Xidmətinə yeni rəis TƏYİN ETDİ 17 Sentyabr 2021, 10:05 KTMT-da sədrlik Ermənistana nə verəcək? 17 Sentyabr 2021, 10:03 Hərbi qulluqçularla görüşlərə məhdudiyyət qoyulub - DSX 17 Sentyabr 2021, 10:00 Füzulidə narkotik satanlar saxlanılıb 17 Sentyabr 2021, 09:55 Naftalanda reydlər davam etdirilir - FOTOLAR 17 Sentyabr 2021, 09:50 Ərdoğandan yeni TƏYİNAT 17 Sentyabr 2021, 09:44 Qızılağac Milli Parkında qanunsuz ov edənlər saxlanılıb 17 Sentyabr 2021, 09:38 Kapital Bank illik 8%-dən başlayan sərfəli ipoteka krediti təklif edir 17 Sentyabr 2021, 09:32 “Azərişıq”ın əməkdaşını cərəyan vurub öldürdü 17 Sentyabr 2021, 09:26 Neft yenidən ucuzlaşdı 17 Sentyabr 2021, 09:21 Bakının əsas küçə və prospektlərində tıxac var - SİYAHI 17 Sentyabr 2021, 09:16 Avropa və Konfrans liqalarında ilk oyunlar - Bütün NƏTİCƏLƏR 17 Sentyabr 2021, 09:10 MTN generalının cinayət işi icraata verildi 17 Sentyabr 2021, 09:06 Xarici valyutaların manata qarşı məzənnəsi 17 Sentyabr 2021, 09:00 Ermənistan sülh müqaviləsi imzalamağa hazırlaşır? - İDDİA 17 Sentyabr 2021, 08:53 Bakıda bu mənzillər ucuzlaşır 17 Sentyabr 2021, 08:45 UEFA reytinqində Azərbaycanın mövqeyi 17 Sentyabr 2021, 08:38 Avropa Birliyi öz ordusunu yaratmaq istəyir 17 Sentyabr 2021, 08:32 Daha bir ölkə sərhədlərini açdı 17 Sentyabr 2021, 08:25 Rusiyadan Əfqanıstanla bağlı ABŞ-a tələb 17 Sentyabr 2021, 08:10 İnsan zəkasını və məntiqini artıran QİDALAR 17 Sentyabr 2021, 08:01 Bu günün hava proqnozu 17 Sentyabr 2021, 07:54 Yaponiyada vulkan püskürdü 17 Sentyabr 2021, 07:53 Üç ölkə arasında müdafiə müqaviləsi imzalandı   17 Sentyabr 2021, 07:48
SORĞU Hansı vaksinə etibar edirsiniz?