7 Oktyabr 2021, 09:53 | Ana Səhifə - Yazılar - İslamdan uzaq İran İslam Respublikası
İslamdan uzaq İran İslam Respublikası

Elman Babayev

İRNA agentliyi İranın dövlət siyasətinin əsl üzünü ifşa edir


Öz ərazi bütövlüyünü təmin edən Azərbaycanın regionda yaratdığı yeni reallığı həzm edə bilməyən İranın əsl sifəti keçən hər gün daha çılpaqlığı ilə görünməkdədir. Hər ötən gün, əslində din amilinin İran üçün heç bir əhəmiyyət daşımadığını, bu ölkənin indiyə qədər din, islam pərdəsinə bürünərək hansı siyasət yürütdüyünü faş etməkdədir. Ermənistanın Azərbaycanın işğal edilmiş ərazilərində 60-dan çox məscidin dağıdılmasına lal və kar qalan, bu müqəddəs yerlərdə vaxtilə donuzların saxlanılmasından az da olsa, narahatlıq keçirtməyən İranın davranışları necə bir müsəlman ölkəsi olmasını sərgiləyən tutarlı faktlardan biridir. Və bu qəbildən olan sonuncu dəlil də deyil. İran bütün varlığı ilə Ermənistana bağlı olduğunu son günlər daha qabarıq şəkildə ortaya qoyur, din amili ilə illərdir ikiüzlü siyasətə müəlliflik etdiyini sübuta yetirir.


Ermənistanın Xarici İşlər Nazirliyinin rəhbəri Ararat Mirzoyanın İrana işgüzar səfəri zamanı yaşananlar da bunun növbəti əyani sübutudur. Bu səfər zamanı Ermənistana tam dəstək verən İran üstəlik, Mirzoyana dövlətə məxsus İRNA xəbər agentliyində çıxış etmək imkanı tanıyıb. İranın məhz indiki məqamda dövlət agentliyində Mirzoyana tribuna verməsi heç də təsadüfi deyil. İstər sualların qoyuluşu, istər Ermənistan XİN başçısının sərsəmləmələrinin işıqlandırılması İranın bölgə ilə bağlı məkrli, ən əsası islam ölkəsinə yaraşmayan siyasət yürütdüyünü ortaya qoyur.


Məsələn, İranın dövlət agentliyi bu ölkənin Cənubi Qafqaza yanaşmasının bölgənin etnik və dini məsələlərinə deyil, bölgənin geosiyasi və coğrafi əhəmiyyətinə əsaslandığını bildirir və Ermənistan XİN rəhbərinin İranın bu yanaşmasını necə qiymətləndirməsini soruşur. Maraqlıdır, bununla da İran din, islam kimi ali dəyərləri siyasi alver vasitəsi kimi ortaya qoymuş olmurmu? Necə olur, başqa regionda baş verən hadisələrə İran islam, din adı ilə mövqe sərgiləyir, Cənubu Qafqazla bağlı yox?


Digər bir suala diqqət edək: İranın bölgədə sabitliyin qorunmasında rolu barədə nə düşünürsünüz?


Cavbında Ermənistan XİN rəhbəri İranın bölgədə gərginliyi azaltmaqda və sabitliyi təmin etməkdə rolu və potensialından ağız dolusu danışır. Bunun bariz nümunəsi kimi İranın Ermənistan sərhədlərinin toxunulmazlığı ilə bağlı dəqiq mövqeyini göstərir. İranın regional proseslərdə iştirakının genişləndirilməsinə inandığını ifadə edən Ermənistan XİN rəhbəri iki ölkə arasındakı dostluq və qarşılıqlı faydalı tərəfdaşlıqdan, bölgənin sülh, təhlükəsiz və firavan gələcəyindən və s. bəhs edir.


İranın dövlət agentliyinin suallarından çıxan nəticə odur ki, islam respublikası kimi bu ölkənin din haqqında danışması cəfəngiyyatdır. Necə ki, bunu verdikəri sualla dolayısı ilə etiraf edirlər.


Digər tərəfdən, başqa sualda İranın bölgədə gərginliyi azaltmaqda və sabitliyi təmin etməkdə rolu qabardılır. Hansı ki, İran hazırda bölgədə sabitliyə töhfə vermir, reallıqda gərginliyi körükləmək niyyətinı açıq şəkildə nümayiş etdirir. Azərbaycan təkbaşına münaqişəyə son qoyub, erməni faşizminin başını əzərək həm də bölgənin təhlükəsizliyini təmin efib. Hazırda gündəlikdə kommunikasiyaların açılması, Ermənistanla Azərbaycan sərhədlərinin delimitasiyası və s. dayanır. Belə bir məqamda İran açıq formada Azərbaycanı təhdid edən mövqe ilə peyda olur, işğalçı Ermənistana birmənalı dəstək nümayiş etdirir, gizli yollarla ermənilərə hansısa mal və məhsullar daşıyır. Bölgəyə İsrailin gəlməsi barədə yalan və iftira dolu məlumatlar tirajlayır. Bütün bu davranışlar isə ancaq və ancaq gərginliyin artırılmasına xidmət edir.


İslam dini barışa, ədalətə, həmrəyliyə çağırış dinidir. O zaman sual olunur: İslam çətiri altına girən İranın doğrudanmı, İslama dəxli var?

MÜƏLLİFİN DİGƏR YAZILARI
10 “arzuolunmaz şəxs”: Hansı səfirlər Türkiyəni tərk edib? 25 Oktyabr 2021, 15:08 Lirə antirekord vurmaqda DAVAM EDİR 25 Oktyabr 2021, 15:02 Mehriban Əliyeva hərbçilərimizə dua etdi - FOTO 25 Oktyabr 2021, 14:56 Sabirabaddakı qətlin istintaqı YEKUNLAŞDI 25 Oktyabr 2021, 14:50 Daha bir erməni izi: Bakı-Naxçıvan dəmir yolunda ağac bitib - FOTO 25 Oktyabr 2021, 14:45 Apteklərdən oğurluq edən şəxs saxlanıldı 25 Oktyabr 2021, 14:40 “Teleradio” İstehsalat Birliyinə baş direktor təyin edildi 25 Oktyabr 2021, 14:36 Prezident və Birinci xanım Qubadlı ictimaiyyəti ilə GÖRÜŞDÜ 25 Oktyabr 2021, 14:30 Azərbaycan Müqəddəs taxt-tacda səfirlik açır 25 Oktyabr 2021, 14:25 Yasamalda narkotik əməliyyatı - 15 nəfər saxlanılıb (VİDEO) 25 Oktyabr 2021, 14:20 11 yaşlı azərbaycanlı qız Finlandiya çempionu olub 25 Oktyabr 2021, 14:15 “Qubadlı” yarımstansiyasının açılışı oldu 25 Oktyabr 2021, 14:10 İrəvandan YENİ TƏXRİBAT: Qarabağa 300 milyon ayıracaq 25 Oktyabr 2021, 14:05 İlham Əliyev Ermənistanla sərhəddə hərbi hissənin AÇILIŞINDA 25 Oktyabr 2021, 14:00 Xanlıq-Qubadlı yolunun təməli qoyuldu 25 Oktyabr 2021, 13:56 Prezidentlə xanımı QUBADLIDA 25 Oktyabr 2021, 13:51 “Delimitasiya üçün Xalq Cümhuriyyətinin xəritəsi əsas götürülsün!” – TƏKLİF 25 Oktyabr 2021, 13:45 Ankarada kompozisiya təqdim olundu 25 Oktyabr 2021, 13:40 Koronavirus xəstəsi evi TƏRK ETDİ 25 Oktyabr 2021, 13:34 Ombudsman Ermənistan cinayətlərindən DANIŞDI 25 Oktyabr 2021, 13:28 Şənbə-bazarın yol terroru - 8 qəza, 8 ölü 25 Oktyabr 2021, 13:22 Ən çox və ən az məhbusu olan ölkələr: Azərbaycan neçəncidir? - REYTİNQ 25 Oktyabr 2021, 13:17 Rayon sakinlərindən odlu silah GÖTÜRÜLDÜ 25 Oktyabr 2021, 13:12 Koronavirusun delta ştammının FOTOSU 25 Oktyabr 2021, 13:06 Dələduz qadın tutuldu 25 Oktyabr 2021, 13:00 Azərbaycanın mükafatı fəxri konsula verildi 25 Oktyabr 2021, 12:54 Hamilə qadınlar da peyvənd oluna bilər - RƏSMİ 25 Oktyabr 2021, 12:48 Hadi Rəcəbli HARALARDADI... 25 Oktyabr 2021, 12:45 Rusiya ilə Ermənistan Zəngəzurda hərbi təlimlər KEÇİRDİ 25 Oktyabr 2021, 12:39 Goranboyda şəhidin məzarı ziyarət olunub 25 Oktyabr 2021, 12:35 Qanunsuz meşə materialı AŞKARLANDI 25 Oktyabr 2021, 12:31 Prokurorluq 37 yaşlı kişinin ölümünü ARAŞDIRIR 25 Oktyabr 2021, 12:26 Türkiyədə meşələri yandıran 7 rusiyalı saxlanıldı 25 Oktyabr 2021, 12:20 Azərbaycan hansı ölkədən hərbi təyyarələr alacaq? 25 Oktyabr 2021, 12:15 Sabah Bakıda yağış yağacaq 25 Oktyabr 2021, 12:10