İran ABŞ-yə iki gün ərzində danışıqlara qayıtmaq təklifi təqdim edib.
Modern.az "Reuters" agentliyinə istinadən xəbər verir ki, Tehran bunun üçün ABŞ-dan əvvəlcə hərbi əməliyyatları dayandırmağı, dəniz blokadasını aradan qaldırmağı və sanksiyaları ləğv etməyi tələb edir.
Axios-un məlumatına görə, Qətərin vasitəçiliyi ilə hazırlanan layihədə aşağıdakı addımlar nəzərdə tutulur:
Birinci gün: ABŞ İranın dəniz blokadasını aradan qaldırmalı və dondurulmuş vəsaitlərin bir hissəsini azad etməlidir. Bunun qarşılığında İran Atom Enerjisi üzrə Beynəlxalq Agentliyin nüvə obyektlərinə müfəttiş göndərməsinə razılıq verməlidir.
İkinci gün: Hörmüz boğazı yenidən açılmalı, daha sonra nüvə proqramı ilə bağlı danışıqlar bərpa edilməlidir.
