Türkiyə prezidenti Rəcəb Tayyip Ərdoğan ABŞ hakimiyyətini kürd qüvvələrinin Suriyanın şimal-şərqini tərk etməsini təmin etməməkdə ittiham edib.
Modern.az Türkiyə KİV-nə istinadən xəbər verir ki, Ərdoğan “Barış çeşməsi” əməliyyatını bərpa etməyə hazır olduqlarını bildirib.
“Təəssüf ki, amerikalılar YPG/PYD terrorçuları ilə birgə patrulllar həyata keçirir. Halbuki, Türkiyə-ABŞ razılaşmasına əsasən, həmin döyüşçülər Suriyanın şimal-şərq bölgəsini tərk etməli idi. Vaşinqtonun mövqeyini nə ilə izah etmək olar? Türkiyə-ABŞ razılaşması bunu nəzərdə tutmurdu. Hərbi əməliyyatları bərpa etməyə hazırıq. Bizi terrorçuların ərazini tərk etməsi iddiası ilə aldatmaq olmaz”-deyə Ərdoğan deyib.
