Rusiyadan Ermənistana Azərbaycandan tranzit keçməklə növbəti tədarük həyata keçirilib.
Modern.az xəbər verir ki, 7 vaqondan ibarət, çəkisi 490 ton olan buğda bu gün Biləcəri stansiyasından Böyük Kəsik istiqamətinə yola salınıb.
Qeyd edək ki, indiyədək Rusiyadan Ermənistana Azərbaycandan tranzit keçməklə 29 min tondan çox taxıl, 7 min tondan çox gübrə, 414 ton antrasit (daş kömür növü) 133 ton alüminium və 68 ton qarabaşaq göndərilib.
Tranzitlə yanaşı, Azərbaycandan Ermənistana neft məhsulları da ixrac olunur. İndiyədək Azərbaycandan Ermənistana 13 min tondan çox dizel, 979 ton Aİ-92 benzini və 2955 ton Aİ-95 benzini ixrac olunub.
****
10:55
Rusiyadan Ermənistana növbəti buğda tədarükü Azərbaycandan tranzit keçəcək
Modern.az-ın əldə etdiyi məlumata görə, Rusiyadan Ermənistana Azərbaycandan tranzit keçməklə növbəti buğda tədarükü həyata keçiriləcək.
Məlumata əsasən, 7 vaqon olmaqla ümumilikdə 490 ton buğda iyunun 16-da Biləcəri stansiyasından Böyük Kəsik istiqamətinə yola salınacaq.
Yükün daha sonra Azərbaycan ərazisindən tranzit keçərək Ermənistana çatdırılması nəzərdə tutulur.
