Bu gün London Olimpiadasında qadın güləşçimiz Mariya Stadnik döşək üzərinə çıxıb. 48 kq çəki dərəcəsində mübarizə aparan Pekin olimpiadasının bürünc medalçısı mübarizəyə 1/8 finaldan qoşulub.
O, Klarissa Çunla (ABŞ) görüşüb. Təmsilçimiz ilk görüşünü 2:0, 3:0 hesablarıyla qalib başa vurub.
Mariya Stadnik 1/4 finalda polşalı Nina İvona Matkovskanı məğlubiyyətə uğradıb. Stadnik ilk hissədə 2:0, sonra isə 4:1 hesabı ilə qalib gəlib.
Yarımfinalda təmsilçimizin rəqibi ukraynalı İrina Merleni olub. Mariya bu rəqibini də məğlub edib (1:0, 2:0) və adını finala yazdırıb.
Həlledici görüşdəki rəqib isə yaponiyalı Hitomi Obara olub. Təəssüf ki. Azərbaycan güləşçisi finalda uduzaraq gümüş medala layiq görülüb.
Modern.az
