22 iyun 1994-cü il. Bakı, Flarmoniyanın binası. Azərbaycanın Xalq şairi Xəlil Rza Ulutürk son mənzilə yola salınır.
Dövlət ərkanı tam heyətdə vida mərasimində iştirak edir.
Modern.az-ın “Bir şəklin tarixcəsi” layihəsində təqdim etdiyi fotoşəkil bu günün baxış bucağından yanaşdıqda bir neçə yöndən maraqlıdır.
Əvvəla, Xəlil Rza ilə vida mərasimində iştirak edən tanınmışlardan bir neçəsi artıq dünyasını dəyişib. Heydər Əliyev, Murtuz Ələsgərov, Bəkir Nəbiyev, Rəfael Allahverdiyev...
Digər tərəfdən, bu fotoşəkildə görsənənlər o zaman hakimiyyət olimpində bir komandanın üzvləri kimi çalışsalar da, sonradan bir çoxu komandadan ya çıxdı, ya çıxarıldı. Bu sırada o zamankı baş nazir Surət Hüseynovu, eks-spiker Rəsul Quliyevi, keçmiş mətbuat və informasiya naziri Sabir Rüstəmxanlını, sabiq dövlət müşaviri Vəfa Quluzadəni, dövlət müşavirinin eks-müşaviri Nemət Pənahlını, Bakı şəhərinin keçmiş meri Rəfael Allahverdiyevi görmək olar.
Təzadlarla dolu bir fotoşəkil.
(Şəkillə bağlı maraqlı şərhlərinizi gözləyirik)
Modern.az
