ANS TV-nin tanınmış aparıcısı İlqar Mikayıloğlu bacısı, millət vəkili Gülər Əhmədovanın insult keçirməsi ilə bağlı yayılan xəbəri təsdiqləyib. Modern.az xəbər verir ki, bu barədə İlqar Mikayıloğlu aparıcısı olduğu "Günə Baxan" verilişində məlumat verib.
İ.Mikayıloğlu bildirib ki, həkimlərin xanım deputatla bağlı dəqiq diaqnozu bu gün aparılacaq müayinələrdən sonra bəlli olacaq.
Aparıcı həmçinin vurğulayıb ki, gecə saatlarında Gülər Əhmədovanın vəziyyəti pisləşibmiş.
"Gülər xanım sadəcə baxır. Heç bir şeyə reaksiya vermir. Anamı yanına apardım. Həkimlər gəldikdə efirim olduğundan çıxmaq məcburiyyətində qaldım. Həkimlərin dəqiq diaqnozu bu gün aparılacaq müayinələrdən sonra bəlli olacaq", - deyə aparıcı vurğulayıb.
Modern.az
