Ölkəmizdə onlayn alış-veriş kövrək də olsa, ilk qədəmlərini atır
Son zamanlar Azərbaycanda geniş yayılmış çeşidli universal məhsulların internet yolu ilə satışı genişlənməkdədir. Onlayn alış-veriş kövrək də olsa, ilk qədəmlərini atır. Getdikcə ətrafımızda olanlardan, dostlardan “Avropadan, ABŞ-dan internetlə mal sifariş etdim” sözlərini eşitmək olur. İnternet ticarətin ən böyük xüsusiyyəti qiymətli vaxtı mağazaları gəzməyə sərf etməkdənsə, özünüzə sərf etmək imkanı verir.
Bəs görəsən internet ticarəti ölkəmizdə etibar qazana bilrimi? Modern.az tanınmış insanlarla bununla bağlı sorğu aparıb.
Yazar Günel Mövlud ümumiyətlə mağazaları gəzib alış-veriş etməyi xoşlamır. “Odur ki, inrenetlə bazarlıq heç mənlik deyil”-deyə jurnalist-yazıçı bildirdi.
Muğənni Xatirə İslam isə əskinə internet vasitəsiylə alverlə məşğul olanlardandır. “Xoşum gələn hər hansı bir mal olanda dərhal sifariş verirəm”-deyə Xatirə İslam onlayn ticarətin rahat və əlveriişli olduğunu vurğuladı.
“Xalq Cəbhəsi” qəzetinin baş redaktoru Elçin Mirzəbəyli də internet alış-verişindən kənarda qalmır. Baş redaktorun sözlərinə görə, internet üzərindən təyyarə səfəri üçün lazım olan yol vəsaitlərini və müəyyən prosedurları həll edir. Onlayn ticarət xidmətindən istifadə edərkən etibarlı mənbələrdən yararlanmaq gərəkdiyinin vurgulayan Eçin Mirzəbəylinin sözlərinə görə, öncə həmən strukturun mövcudluğundan əmin olmalısan.
“Azərbaycanda bu struktur hələ də inkişaf etmədiyi üçün müəyyən problemlərlə qarşılaşmaq imkanları böyükdür”-deyə baş redaktor qeyd etdi.
İqtisadçı Vüqar Bayramov dedi ki, internetdən müəyyən işlərdə istifadə edir. “Xüsusilə ABŞ- da olarkən əksər alış-verişlərimi, o cümlədən biletlərin alınması, yeməklərin sifariş verilməsində onlayn sistemindən istifadə etmişəm”.
Azərbaycanda isə internet üzərindən ABŞ-dan kitablar sifariş verdiyini deyən V.Bayramovun sözlərinə görə, onlayn yolu ilə xaricə səfər zamanı qalacağı oteləri sifariş verdiyini qeyd etdi.
İqtisadçının fikirncə, Azərbaycanda hələ bu növ ticarət o qədər də inkişaf etməyib. Bir dəfə tanınmış mağazaların birində kartla alış-veriş edərkən onun kartından ödəniş 40 manat olduğu halda, 2 dəfə çox pul çəkiblər. “Satıcılar sadəcə plastik kartdan istifadəni bacarmırdılar”.
Azərbaycan İnternet Forumunun rəhbəri Osman Gündüzün fikrincə, ölkəmizdə onlayn alış-veriş geniş vüsət almayıb. “Lakın bu istiqamətdə işlər əvvəlki illərə nisbətən inkişaf edib. Son dövrlərdə onlayn ödəmə təklif edən saytlar və kredit kartı daşıyanların sayı artıb”-deyən Osman Gündüzün sözlərinə görə, real ticarətlə məşğul olanlar artıq öz ticarətlərini virtual elektron müstəvisinə gətirməyə başlayıblar. Ekspertin fikrincə, ölkəmizdə internet ticarətin geniş vüsət almamasının səbəbi insanların daha çox gözlə görüb əllə toxunduqları malları almağa üstünlük vermələridir.
“Lakin bu münasibət zamanla dəyişəcək, insanlar vaxt itkisinə və rahatlığa önəm verərək evlərindən ofislərindən çıxmadan istedikləri maları internet vasitəsiyylə əldə edəcəklər”.
Aynur
