“Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyevanın Respublika Uşaq Təşkilatına rəhbərlik edəcəyi barədə məlumat əsassızdır”.
Bu barədə Modern.az saytına Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Lətafət Tağızadə bildirib:
“Bu məlumatı biz özümüz də mətbuatdan oxuduq. Yalan xəbərdir. Hətta bunu yazanlara özümüz zəng vurub soruşduq ki, xəbəri hardan almısınız? Onlar bizə məlumatı əldə etdikləri mənbənin adını demədilər. Aynur xanım özü bu xəbərlə bağlı təkzib verib”-deyə komitə sözçüsü qeyd edib.
Xatırladaq ki, Respublika Uşaq Təşkilatının sədri sabiq deputat Gülər Əhmədovadır. Bu gün bəzi xəbər mənbələri belə bir məlumat yayıblar ki, Respublika Uşaq Təşkilatı Gülər Əhmədovadan alınaraq Aynur Sofiyevaya verilib.
Nihadə Eyyubova
