Parlamentin qarşısında etiraz aksiyasına çıxanlar yolu bağlamağa cəhd göstəriblər
Bakının simvolu sayılan "Alov Qülləri"ndə çalışan işçilər etiraz aksiyası keçirirlər. Modern.az-ın hadisə yerindəki əməkdaşının verdiyi məlumata görə, aksiyanın keçirilməsinin səbəbi işçilərə verilən qidanın keyfiyyətinin aşağı olmasıdır. İşçilər qeyd edirlər ki, keyfiyyətsiz qidadan artıq bir neçə nəfər zəhərlənib və onlar xəstəxanaya yerləşdiriblər.
100-dək aksiya iştirakçısı Parlament prospektini bağlamağa cəhd ediblər. Əraziyə çoxlu sayda polis cəlb olunsa da, sonradan əlavə qüvvələr çağrılıb. Həmçinin əraziyə 3 təcili tibbi yardım maşını gəlib.
Polis etirazçılara yolu bağlamağa imkan verməyiblər...
Etiraz edən fəhlələrin müdiriyyətlə danışığından sonra aksiya başa çatıb.
Gültəkin ƏLƏSGƏR
