Martın 13-nə keçən gecə UEFA Çempionlar Liqasında 1/8 final mərhələsinin daha iki cavab oyunu keçirilib.
Modern.az-ın məlumatına görə, bütün türk dünyasının izlədiyi "Şalke" - "Qalatasaray" qarşılaşması sevindirici sonluqla yekunlaşıb. Bu komandalar arasında İstanbulda keçirilən ilk görüş 1:1 hesabı ilə yekunlaşmışdı. İstanbul təmsilçisi növbəti mərhələyə adlamaq üçün ya almanlara qalib gəlməli, ya da bir topdan artıq olan istənilən heç-heçəni etməliydi.
”Qalatasaray” bunu artıqlamasıyla etdi. Rəqibin qapısına 3 top vuran, öz qapısından isə 2 top buraxan türklər Avropada zəfəri davam etdirərək növbəti mərhələyə çıxıblar.
“Şalke” (Almaniya) – “Qalatasaray” (Türkiyə) - 2:3
İlk oyun – 1:1
Qollar: Noyştedter, 17 (1:0), H.Altıntop, 37 (1:1), Burak Yılmaz, 42 (1:2), Bastos, 63 (2:2), Umut Bulut, 90+5 (2:3)
“Şalke”: Xildebrand, Xevedes (k), Utida, Matip, Kolaşinats, Bastos, Xeqer, Draksler, Noyştedter, Farfan, Pukki
“Qalatasaray”: Fernando Muslera, Albert Riera, Dani, Semih, Emmanuel Ebue, Filipe Melo, Səlcuk İnan, Uesli Sneyder, Həmid Altıntop, Burak Yılmaz, Didye Droqba
***
Digər maraqlı oyun İspaniyada keçirilib. "Barselona" öz meydanında "Milan"ı qəbul edib. İlk görüşdə 0:2 hesabı ilə məğlub olan "Barselona" doğma meydanda bu məğlubiyyətin əvəzini çıxmağa nail olub. İspanlar 4:0 hesablı qələbə ilə ¼ finala çıxıblar.
“Barselona” (İspaniya) – “Milan” (İtaliya) - 4:0
İlk oyun – 0:2
Qollar: Messi, 5 (1:0), 40 (2:0), Vilya, 55 (3:0), Alba, 90+2 (4:0)
“Barselona”: Valdes, Daniel Alves, Pike, Maskerano, Alba, Xavi (k), İnyesta, Buskets, Vilya, Messi, Pedro Rodriqes
