Azərbaycandakı oxşarlar... Onlar sizi də çaşdıra bilərlər? - FOTOLAR | Modern.az

Modern.az saytı Azərbaycandakı oxşarlarla bağlı təqdimatları “Oxşarlar" layihəsində davam etdirir. Azərbaycanda oxşarlar çoxdur. Onlar arasında tanınmışlar da var, adi vətəndaşlar da. İctimai-siyasi, mədəniyyət sahəsində, mediada tez-tez görüb, danışığını eşitdiyimiz şəxslər arasında da oxşarlar az deyil.

2008-ci il oktyabrın 31-dən Azərbaycanın iqtisadi inkişaf naziri işləyən Şahin Mustafayev mediada tez-tez görünən məmurlardan olmasa da, ictimai, siyasi, iqtisadi prosesləri az-çox izləyənlərin hamısı onu tanıyır. Vaxtilə Vergilər Nazirliyində, daha sonra Dövlət Neft Şirkətindən yüksək vəzifələrdə çalışmış Şahin müəllimin də oxşarı varmış.

Baxıb, onların bənzərliklərini müqayisə edə bilərsiniz.
Şahin Mustafayevin oxşarını şübhəsiz ki, tanıyanlar da var, tanımayanlar da.
Söhbət tarixçi, eks-müsavatçı Telman Nüsrətoğlundan gedir. T.Nüsrətoğlu əvəllər Müsavat Partiyası başqanının müşaviri vəzifəsini daşıyıb, Türkiyədə təhsil alan ilk azərbaycanlı tələbələrdəndir, vaxtilə Gənc Aydınlar Hərəkatının rəhbərliyində təmsil olunub. 2003-cü il prezident seçkilərindən sonra həm Müsavat Partiyasından, həm də siyasi səhnədən çəkilib. 

Diqqətlə baxanda Şahin Mustafayevlə Telman Nüsrətoğlunun xarici görünüşündə, sifət cizgilərində, saç düzümündə müəyyən oxşarlığı görmək mümkündür.

Aşağıdakı şəkilə siz də diqqətlə baxın, necə düşünürsünüz, onları oxşarlar kimi təqdim etməkdə səhv etmirik ki…?