Azərbaycandakı oxşarlar... Onlar sizi də çaşdıra bilərlər? - FOTOLAR | Modern.az

Modern.az saytı Azərbaycandakı oxşarlarla bağlı təqdimatları “Oxşarlar" layihəsində davam etdirir. Azərbaycanda oxşarlar çoxdur. Onlar arasında tanınmışlar da var, adi vətəndaşlar da. İctimai-siyasi, mədəniyyət sahəsində, mediada tez-tez görüb, danışığını eşitdiyimiz şəxslər arasında oxşarlar az deyil.

Tanınmış politoloq, millət vəkili Rasim Musabəyov Azərbaycanda kifayət qədər tanınmış simadır. O, 1991-1992-ci illərdə Prezident Aparatında, 1992-1993-cü illərdə Milli Məclis Aparatında müşavir işləyib. 1994-1999-cu illərdə Bakı Sosial İdarəetmə və Politologiya İnstitutunda dosent vəzifəsində çalışıb. Uzun müddət Müsavat Partiyasında Divan üzvü olmuş Rasim müəllim sonradan partiyadın çıxıb və 2010-cu ildə dputat seçilib.

Bu dəfə Rasim Musabəyovun oxşarını təqdim edirik. Baxıb, onların bənzərliklərini müqayisə edə bilərsiniz.

Rasim Musabəyovun oxşarını da şübhəsiz ki, tanıyanlar çoxdur. Söhbət Prezident Administrasiyasının sabiq işlər müdiri Akif Muradverdiyevdən gedir. Prezidentin işlər idarəsinin sabiq müdiri Akif Muradverdiyev 2005-ci ilin oktyabr ayında - parlament seçkiləri ərəfəsində bir çox məmurlarla - Əli İnsanov, Fərhad Əliyev, Fikrət Sadıqovla birgə həbs olunduğuna görə, həmin vaxt ölkə başçısının müvafiq sərəncamı ilə tutduğu vəzifədən kənarlaşdırılıb.
Akif Muradverdiyev 2005-ci ilin oktyabrında dövlət çevrilişinə cəhdə hazırlıq ittihamı ilə həbs edilərək sonradan iqtisadi cinayətlərə görə 6 il azadlıqdan məhrum olundu. 2008-ci il yanvarın 15-də Ali Məhkəmənin qərarı ilə sərbəst buraxıldı. Onun cəzası 5 il sınaq müddətli şərti cəzayla əvəzləndi.
Bu il iyunun 20-də Akif Muradverdiyev Bakı aeroportundan xaricə uçmaq istəyərkən saxlanılıb. O, bu dəfə Cinayət Məcəlləsinin 206.1 maddəsi (qaçaqmalçılıq) üzrə ittiham olunur. Hazırda həbsəd olan cənab Muradverdiyev barəsində istintaq hərəkətləri davam etdirilir.

Diqqətlə baxanda Rasim Musabəyovla Akif Muradverdiyevin xarici görünüşündə, sifət cizgilərində, saç quruluşunda müəyyən oxşarlığı görmək mümkündür.

Aşağıdakı şəkilə siz də diqqətlə baxın, necə düşünürsünüz, onları oxşarlar kimi təqdim etməkdə səhv etmirik ki…?



A.Qorxmaz