Bəşəriyyətin bəlkə də ən stabil, ən təhlükəsiz dövrlərindən birini yaşayırıq. Müharibələrmi? – boş verin onlar həmişə var idi və daha qəddar idilər. Fəlakətlərmi? – insan övladı daha güclüdür onlardan.
Bəs bizə nə olur? Nə dəyişir bizim həyatımızda?
* Bildiklərimiz artır, səbrimiz azalır.
* Əmlakımızı artırır, ləyaqətimizin azalmasından xəbər tutmuruq.
* Çox danışırıq – ancaq haqqında danışılası uğurların sayı çox deyil
* Xarici dünyanı mənimsəmişik. Daxil bizə maraqlı adam deyil.
* Atomu parçaladıq, amma önyarğılarımız durur.
* Əyləncə növlərimizin sayı artıb, sevinclərimiz azalıb.
* Gəlirlərimiz artıb, mənəviyyatımız çürüyüb.
* Dünyanı qucaqlamışıq, yanımızda can çəkişəndən xəbərimiz yoxdur.
Klassik nəticə ilə bitməyəcək yazı. “Hə nə olsun?” – dediyinizi eşidirəm. Heç nə, dedim ki, biləsiz, biləsiz ki, ikinci şansımız yoxdur. Olmayacaq, şans bir dəfə gəlir.
Dedim və gedirəm, işinizə dönə bilərsiniz.
