Parlament Jurnalistləri Birliyinin sədri, Modern.az saytının rəhbəri Elşad Eyvazlının Xocalıda hər iki valideynini itirmiş uşaqların ağrı-acılarından bəhs edən “Böyüməyən uşaqlar” kitabı Almaniyada sərgilənib.
Modern.az xəbər verir ki, Prezident yanında Qeyri-Hökumət Təşkilatlarına Dövlət Dəstəyi Şurasın dəstəyi ilə “Xocalıya ədalət!” beynəlxalq kampaniyası çərçivəsində çap olunmuş "Böyüməyən uşaqlar" kitabı alman dilində “Şərqi Almaniya Universitet Nəşriyyatı” və "Sadig Verlag" nəşriyyatları tərəfindən illik kitab sərgisində nümayiş etdirilib.
Sərgi bir neçə gün öncə Almaniyanın Frankfurt şəhərində təşkil olunub. Amerika və Fransadan sərgiyə baxmağa gələn ziyarətçilərə kitab hədiyyə olunub.
Qeyd edək ki, "Böyüməyən uşaqlar" kitabı yaxın vaxtlarda Rusiya, Hindistan və Malayziyada kitab sərgisində olacaq.
Modern.az
