Tayvanda qatarın relsdən çıxması nəticəsində ölənlərin sayı 22 nəfərə çatıb. Modern.az xarici mediaya istinadən xəbər verir ki, hadisə nəticəsində 171 nəfər yaralanıb.
Məlumata görə, Taybeydən Tayduna hərəkət edən qatar relsdən çıxıb, daha sonra onun 5 vaqonu aşıb. Qəza zamanı qatarda 366 nəfər olub. Hadisə yerində xilasetmə əməliyyatı aparılır, xilasedicilərə 120 hərbçi köməklik göstərir.
