Ermənistan parlamenti növbədənkənar iclasında ölkənin əsas qanununun – Konstitusiyanın dəyişdirilməsi üçün referendum keçirilməsi barədə qərar verib.
Modern.az Ermənistan KİV-nə istinadən xəbər verir ki, referendum layihəsinin lehinə 88, əlehinə 15 deputat səs verib.
“Çiçəklənən Ermənistan” fraksiyası isə səsvermədə iştirak etməyib. “Mənim addımım” fraksiyasının rəhbəri Lilit Makunts referendumun mart-aprel aylarında baş tutacağını əlavə edib.
Referendumda “hə” qərarı verilsə, Konstitusiya Məhkəməsinin 9 hakimindən 7-si vəzifəsini itirəcək.