Türkiyə Superkubokunun qalibi müəyyənləşib.
Modern.az xəbər verir ki, həlledici matç ilk dəfə Qətərdə təşkil olunub.
Son keçirilən görüşdə “Beşiktaş”la “Antalyaspor” üz-üzə gəlib. Oyun 1:1 hesbl ilə yekunlaşıb.
Qarşılaşmanın taleyi penaltilər seriyasında həll olunub. Daha dəqiq olan “Beşiktaş” (4:2) kuboku başı üzərinə qaldırıb.
Bununla da “Beşiktaş” 9-cu dəfə Superkuboka yiyələnib. Sonuncu dəfə bu mükafata 2006-cı ildə sahib çıxan “ağ-qaralar” “Fənərbaxça” və “Trabzonspor”a çatıb. Bu göstəricidə rekord 16 Superkubok qazanan “Qalatasaray”a məxsusdur.
Qeyd edək ki, 1966-cı ildən keçirilən Türkiyə Superkuboku Qətərdəki oyunadək yalnız üç dəfə ölkə xaricində baş tutub. 2006-08-ci illərdə matça Almaniya ev sahibliyi edib.
