Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti böyük məmnuniyyətlə CİNeration abunəçiləri üçün nəzərdə tutulmuş yeni kampaniyasını elan edir.
CINeration-a “Xoş Gəlmisən” adlanan kampaniya çərçivəsində 11 sentyabr 2012-ci il tarixindən cari ilin sonuna kimi Bakcell nömrəsi əldə edib CINeration tarifinə qoşulan hər bir yeni abunəçi xüsusi bonuslar əldə edəcək.
Hər ay pulsuz 100 dəqiqə və 1000 SMS-dən ibarət olan bonus paketi yalnız yeni CINeration istifadəçilərinə şamil olunacaq.
Bonusu almaq üçün sadəcə minimal dəyəri 2 AZN olan danışıq kartını yükləyin və təqvim ayının sonuna qədər bu fürsətdən yararlanın.
Kampaniya boyunca SevimliCIN, QoshaCIN və DogmaCIN tariflərindən istəniləni aktivləşdirən və aktivasiya günü CINeration-a keçən istifadəçilər də bonuslardan eyni qaydada yararlana biləcəklər. Bu qayda yalnız qeyd olunan tarif istifadəçilərini əhatə edir və digər CIN paketlərinin abunəçilərinə şamil olunmur.
