Sumqayıt şəhəri “Qurd dərəsi” adlandırılan ərazidə yaşayanlar - Mahizər Abdurəhmanova və oğlu Murad evdəki vanna otağında “Ariston” su qızdırıcısının partlaması nəticəsində yanıq xəsarəti alaraq Respublika Yanıq Mərkəzinə aparılıb. Mərkəzin baş həkimi Vüqar Ələkbərov Modern.az-a xəsarət alanların dünən axşam saatlarında xəstəxanaya daxil olduqlarını bildirib: “Səhərə yaxın Mahizər Abdurəhmanova dünyasını dəyişdi, çünki vəziyyəti çox ağır idi. Bədəninin 95-98 faizi (3-cü dərəcə) ağır yanmışdı. 10 yaşlı oğlanın isə bədəninin 60 faizi yanıb, reanimasiyadadır”.
Həkim uşağın həyatı üçün təhlükəsinin çox olduğunu vurğulayıb.
Gülşən RAUFQIZI
