Müsavat Partiyası Məclisinin sədri postundan və Divan üzvlüyündən istefa verən Sülhəddin Əkbər uzun illər yüksək postlarda olduğu partiyasını birdəfəlik tərk edib.
Mediaya açıqlamasında o, partiyanın sıravi üzvlüyündən də istefaya verdiyini deyib. Bildirib ki, noyabrın 29-da Müsavatda tutduğu postlardan istefa verən zaman partiya üzvlüyündə qalıb-qalmayacağı ilə bağlı yaxın vaxtda qərar verəcəyini açıqlayıb: “Qərarımı konkretləşdirdim. Artıq Müsavat Partiyası üzvlüyündən də istefa vermişəm”.
Xatırladaq ki, noyabrın29-da Müsavat Divanının üzvü İbrahim İbrahimli də partiya sıralarını tərk edib.
