İyunu 17-də Bakıda Formula-1 yarışlarının açılış mərasimi ilə bağlı konsert verən müğənni Kris Braun 250 min dollar müqabilində zaminə buraxılıb.

Modern.az xarici KİV-ə istinadən xəbər verir ki, məşhur müğənni Los-Ancelesdə mübahisə etdiyi qonşusunun üstünə silah çəkməkdə ittiham olunur.

Polis Braunun evində də axtarış aparıb.

Xatırladaq ki, müğənni tez-tez hüquq-mühafizə orqanlarının diqqətinə tuş gləir. 2009-cu ildə o, keçmiş sevgilisi Riannanı döyməkdə, 2013-cü ildə dostuna xəsarətlər yetirməkdə və 2015-ci ildə müalicə aldığı reabilistasiya mərkəzini icazəsiz tərk etməyə görə bir neçə ay həbsə qalmışdı.

Vüqar İSMAYILOV