Vətən müharibəsinə həsr olunacaq filmin yaradıcı heyəti haqqında məlumat çəkilişə hazırlıq prosesi ərəfəsində veriləcək.
Bu barədə Azərbaycan Respublikası Mədəniyyət Nazirliyinin Audiovizual və interaktiv media şöbəsindən Modern.az-ın sorğusuna cavab olaraq bildirilib.
Rəsmi məlumata görə, hazırda 2022-ci ildə çəkiləcək döyüş filminin ssenarisinin hazırlanması mərhələsi aparılır.
Qeyd edək ki, 2021-ci ildə Vətən Müharibəsinə həsr olunmuş “Böyük qayıdış” adlı müsabiqə keçirilib. Müsabiqə nəticəsində 11 qalib seçilib və bu 11 filmin istehsalı Mədəniyyət Nazirliyi tərəfindən dəstəklənib.