Dekabrın 15-də “Azneft” İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsində baş verən hadisə nəticəsində itkin düşən 10 neftçidən 6 nəfəri Hacıqabul rayonunun Atbulaq kəndindəndir.
Bu haqda Modern.az-a Atbulaq kəndinin icra nümayəndəsi Tahir Güləliyev məlumat verib.
Onun sözlərinə görə, itkin düşən neftçilərdən İlham Qafarov, Qorxmaz Rüstəmov, Cavid Bəhrəmav və adını dəqiqləşdirə bilmədiyi digər 3 nəfər də bu kənddəndir. "Qorxmaz Rüstəmov faktiki olaraq bizim kənddə yaşayırdı, digərləri isə əslən Atbulaqdan olsalar da Ələtdə yaşayırdılar".
Yalnız Cavid Bəhrəmovun cəsədi sudan çıxarılıb.
Gülşən RAUFQIZI
