Ermənistanın baş naziri səlahiyyətlərinin icraçısı Nikol Paşinyan Rusiyaya işçi səfər edəcək.
Virtualaz.org yerli KİV-ə istinadən bildirir ki, bu barədə Ermənistanın müvəqqəti hökumətinin mətbuat xidməti məlumat yayıb.
Qeyd olunur ki, 5-6 dekabrda baş tutacaq səfər çərçivəsində Paşinyan Avrasiya İqtisadi İttifaqı Ali Şurasının Sankt-Peterburqdakı iclasına və MDB dövlət başçılarının qeyri-formal görüşünə qatılacaq.
Bundan başqa, Paşinyan Ermənistan Baş konsulluğunun yeni binasının açılışında iştirak edəcək və yerli erməni diasporasının nümayəndələri ilə bir sıra görüşlər keçirəcək.