Bu gün Bakıda UEFA Avropa Liqasının final oyunu keçiriləcək.
Modern.az xəbər verir ki, Bakı Olimpiya Stadionunda qitənin ikinci dərəcəli klub turnirinin finalı ingilis komandalarının dueli olacaq.
Belə ki, həlledici qarşılaşmada "Çelsi" və "Arsenal" üz-üzə gələcəklər.
"Çelsi" - "Arsenal" oyunu Bakı vaxtı ilə saat 23:00-da başlayacaq.
Oyunun baş hakimi Canluka Rokkidir (İtaliya).
Azərbaycanlı futbol azarkeşləri finala “CBC-Sport” telekanalından baxa biləcəklər. “CBC-Sport”da matçı telejurnalistlər Rüstəm Əfsərli və Gündüz Abbaszadə şərh edəcək.