Əfqanıstanın təhlükəsizlik qüvvələri adı ABŞ-ın Federal Təhqiqatlar Bürosunun (FTB) ən çox axtarılan terrorçuları siyahısında olan "Əl-Qaidə" liderlərindən biri Əbu Muhsin əl-Masrini zərərsizləşdirib.
Moden.az “Reuters”ə istinadla xəbər verir ki, bu barədə Əfqanıstanın Təhlükəsizlik Milli İdarəsi məlumat yayıb.
Qeyd olunub ki, əl-Masri terror təşkilatına Amerika vətəndaşlarının qətli məqsədi ilə maddi dəstək göstərilməsində ittiham edilirdi. O, Əfqanıstanın şərqində Qazni əyalətində xüsusi əməliyyatın gedişatında zərərsizləşdirilib.
