Alban-Udi xristian icmasının rəhbəri Robet Mobili azad olunmuş ərazilərdəki Alban kilsələrinin son durumu haqqında məlumat verib.
Modern.az-a açıqlamasında o həmin ərazilərə mərhələli şəkildə səfər edildiyini söyləyib.
“Bildiyimiz kimi, azad olunmuş ərazilər hazırda minalardan təmizləmə işləri aparılır. Bu səbəbdən həmin ərazilərə mərhələli şəkildə səfər edirik. Zəfər günündən bəri həmin ərazilərə 3 dəfə səfər etmişik. Mən səhhətimlə bağlı bəzən səfərlərdə iştirak edə bilmirdim”.
R.Mobili açıqlamasında qeyd etdi ki, gələn həftə Laçınla, Kəlbəcərə də səfərlər planlaşdırılır:
“İnşallah, gələn həftə təxminən 10-15 icma üzvü ilə birgə səfərimiz olacaq. Bu dəfə Laçınla, Kəlbəcəri ziyarət edəciyik. Hələ ki, Xudavəngdə və Ağoğlanda olmuşuq”.
Fidan İlqarqızı
