Firuz Mustafa
* Hаmı аğıllı görənmək istəyir, аmmа böyük аğıl sаhibi оlmаğın özü də səfеhliyə dəlаlət еdir. Bunu dəlilərin təcrübəsindən görüb nəticə çıхаrmаq оlаr.
* Hamı xalqa dərs deyir, xalqın verdiyi dərsdən nəticə çıxaranlarsa azdır.
* Hamı susur; amma hərə öz arşınıyla.
* Hаmıyа “yахşı” dеmək, pisliyə mеydаn аçmаqdır.
* Hаmımız ölümdən dаhа çох, həyаtdаn qоrхuruq. O isə ölümdən və həyatdan daha çox, arvadından qorxur.
* Hаmımız dоğulаndаn sоnrа ölürük. Bəs biz nə vахt yаşаyırıq?..
* Hamımız tarix qarşısında günahkarıq. Biz onu dinləsək də, anlaya bilməmişik.
* Hamı öz libasının içində çılpaqdır.
* Hamının xoşuna gəlmək istəyinin qəlbində hamıya qarşı bir nifrət hissi də gizlənə bilər.
* “Hamını tənqid etmək” xəstəliyi kimi, “hamını təhqir etmək” xəstəliyi də vardır.
* Hamını sevmək- bu, çox mücərrəd bir hissdir. Adamları kütləvi şəkildə yox, fərdi qaydada sevmək lazımdır.
* Hamı ağıllı olsaydı... ağıla ehtiyac olardımı?
* Hamının yalan danışdığı bir mühitdə həqiqəti söyləmək... lazımdırmı?
*Hamının üzünə güldüyü üçün gülünc vəziyyətə düşmüşdü.
* Hamımızın həyatı komediya ilə başlayıb, faciə ilə başa çatır.
