Litvanın Azərbyacana yeni təyin edilmiş fövqəladə və səlahiyyətli səfiri Arturas Jurauskas Milli Məclisin Litva-Azərbyacan dostluq qrupunun üzvləri ilə görüşüb. Bu barədə məlumat verən Milli Məclsin Azərbaycan-Litva parlamentlərarası əlaqələr üzrə işçi qrupunun rəhbəri Fuad Muradov Modern.az-a bildirib ki, görüş zamanı hər iki ölkənin parlamentləri arasında əlaqələr, dövlətlərarası münasibətlər müzakirə olunub. Görüşdə Azərbaycan –Litva əlaqələri yüksələn xətlə inkişaf etdiyi vurğulanıb və bildirilib ki, bu işdə dövlət başçılarının, hökumət və parlament rəhbərlərinin keçirdikləri görüşlər, aparılan danışıqlar mühüm rol oynayıb. Yeni səfir bildirib ki, diplomatik fəaliyyətində hər iki ölkənin parlamentləri arasında münasibətlərin genişlənməsi üçün bütün səylərini göstərəcək.
Görüşdə dostluq qrupunun üzvü, deputat Çingiz Əsədullayev də iştirak edib.
