F-16 qırıcılarının Ukraynaya təhvil verilməsi orta müddətli perspektivdə vacibdir.

Modern.az "Amerikanın Səsinə" istinadən xəbər verir ki, bunu ABŞ Hərbi Hava Qüvvələri komandanı Frenk Kendall deyib.

O qeyd edib ki, qırıcılar Rusiyanın Ukraynaya qarşı müharibəsində vəziyyəti kökündən dəyişməyəcək. “F-16-nın tədarükü ukraynalılara malik olmadığı imkanlar yaradacaq, lakin bu, vəziyyəti kökündən dəyişməyəcək”, - komandan bildirib.

Kendallım sözlərinə görə, indiyədək hərbi hava qüvvələri müharibədə həlledici amil olmayıb: “F-16-lar ukraynalılara kömək edəcək, lakin onlar balansı əsaslı şəkildə dəyişməyəcək”.

Amerikalı zabit əlavə edib ki, qırıcıların çatdırılması bir neçə ay çəkəcək.