ABŞ Dövlət Departamenti Azərbaycan və Ermənistan liderlərinin Moldovada keçiriləcək görüşü öncəsi bəyanat yayıb.
Modern.az xəbər verir ki, bu barədə Departamentin sözçüsü Metyu Miller bildirib.
Onun sözlərinə görə, Ermənistan və Azərbaycan arasında sülh danışıqları davam edir, ABŞ bunu görməkdən məmnundur.
Bəyanatda deyilir ki, Ermənistan və Azərbaycan liderləri həftəsonu Moldovada avropalı tərəfdaşları ilə görüşəcək.
“ABŞ dövlət katibi Entoni Blinkenin dediyi kimi, Cənubi Qafqazda sülhə nail olmaq olar. Ermənistan və Azərbaycan liderləri bu həftənin sonunda Kişinyovda avropalı tərəfdaşlarımızla görüşəcəklər. Ümid edirik ki, bu məsələlərin həlli zorakılıq yolu ilə deyil, masa arxasında məhsuldar danışıqlarla olacaq. Aqressiv ritorika yalnız keçmişin zorakılığını davam etdirə bilər. Konstruktiv dialoq sülh, imkan və ümid yarada bilər. Birləşmiş Ştatlar bölgədə davamlı və qalıcı sülh sazişinin bağlanması üçün hər iki tərəfin səylərini dəstəkləməyə hazırdır”, - bəyanatda bildirilir.
