Azərbaycan Respublikasında İnterpolun Milli Mərkəzi Bürosu əməkdaşlarının keçirdikləri əməliyyat tədbirləri nəticəsində əslən azərbaycanlı olan Rusiya Federasiyasının vətəndaşı Mahmud Əliyev Yaponiyanın Niqata şəhərində tutulub və ekstradisiya edilməsi üçün tədbirlər görülür.
Modern.az Daxili İşlər Nazirliyinin mətbuat xidmətinə istinadən xəbər verir ki, Mahmud Əliyev Azərbaycan Respublikası Cinayət Məcəlləsinin 120-ci (qəsdən adam öldürmə) və 228-ci (qanunsuz olaraq odlu silah saxlama) maddələri ilə axtarışda olub.