Avqustun 9-da Moskvada satıcılarının əksəriyyətini lənkəranlılar təşkil edən "Moskvoreçiyiski" bazarında azərbaycanlılarla osetinlər arasında baş verən kütləvi dava-dalaşdan sonra bu ticarət mərkəzi qapadılmışdı.
Bağlanan “Moskvoreçiyiski” bazarı yenidən öz fəaliyyətini bərpa edib.
Moskovadakı azərbaycanlıların Modern.az-a verdikləri məlumata görə, soydaşlarımız hazırda bazarda ticarətlə məşğul olurlar. Polis isə baş vermiş ixtşaşla bağlı tədqiqatı hələ yekunlaşdırmayıb. Bazarda təhlükəsizlik tədbirləri gücləndirilib.
Xatırladaq ki, dava-dalaş zamanı pnevmatik tapançadan açılan atəş nəticəsində hər iki tərəfdən xəsarət alan olmuşdu. Kütləvi toqquşma isə bir azərbaycanlının osetinə çürük meyvə satması səbəbindən baş vermişdi.
Modern.az
