Kollektiv Təhlükəsizlik Müqaviləsi Təşkilatının qoşunları “vəziyyət tam sabitləşənə qədər” Qazaxıstanda qalacaq.
Modern.az "İnterfax"a istinadən xəbər verir ki, bunu Qazaxıstanda KTMT hərbi kontingentinə rəhbərlik edən Rusiya Hava Desant Qüvvələrinin komandanı, general-polkovnik Andrey Serdyukov deyib.
"Kollektiv sülhməramlı qüvvələrin bölmələri tərəfindən tapşırıqların yerinə yetirilməsi ölkədə vəziyyət tam sabitləşənə qədər davam edəcək", - Serdyukov qeyd edib.
Eyni zamanda, Qazaxıstan müdafiə nazirinin müavini, general-leytenant Sultan Qamaletdinov qeyd edib ki, ölkədə antiterror əməliyyatı yalnız “terrorçuların” tam məhv edilməsindən sonra başa çatacaq.
