“İsanın ölümü mənə çox pis təsir etmişdi, indi şükür yaxşıyam”- bunu mərhum xalq yazıçısı İsa Hüseynovun (Muğanna) həyat yoldaşı Füruzə Hüseynova Modern.az-a sağlamlığı baradə danışarkən deyib.
Qeyd edək ki, F.Hüseynova bir neçə ay bundan əvvəl cərrahiyə əməliyyatı da keçirib:
“ Yoldaşımın ölümündən sonra çox pis hala düşdüm. Gözüm görmürdü. Əməliyyat oldum. Sonra isə yıxıldım, çiynim əzildi. Amma indi özümü yaxşı hiss edirəm”.
Aprelin 1-də 87 yaşında dünyasını dəyişən xalq yazıçısının xanımı deyir ki, mülaicə və müayinə üçün həkimə getmir, özü sağlamlığını qoruyur:
“Özümü qoruyuram, sağlamlığıma diqqət edirəm. Təzyiqim arada qalxır, amma ciddi problem olmur. Qızım, kürəkənim, bacım uşaqları həmişə yanımdadılar, mənimlə maraqlanıb, qayğəma qalırlar”.
Məltəm TALIBZADƏ
