Türkiyənin Manisa vilayətinin Soma qəsəbəsində baş vermiş mədən faciəsinin qurbanlarına yardım məqsədilə Azərbaycan Qızıl Aypara Cəmiyyətinin başlatdığı yardım aksiyası davam edir.
Modern.az saytının xəbərinə görə, bu gün Milli Məclisin daha bir deputatı yardım kampaniyasına qoşulub. Belə ki, millət vəkili, Bakı Dövlət Universitetinin rektoru Abel Məhərrəmov Soma faciəsinin qurbanlarına 1000 ABŞ dolları məbləğində yardım edib.
Qızıl Aypara Cəmiyyətindən Modern.az-a verilən məlumata görə, indiyədək Azərbaycan Milli Məclisinin 30 deputatı “Soma kampaniyasına” maddi yardım edib.
Modern.az
