ABŞ-ın Corciya ştatında 47 yaşlı Kelli Qissendeyner edam olunub. Modern.az xarici KİV-ə istinadla xəbər verir ki, damarına ölümcül inyeksiyanın vurulması ilə edam olunan şəxs ştat tarixində 1945-ci ildən bəri edam olunan ilk qadındır.
O 1997-ci ildə həyat yoldaşını sevgilisi Brüs Ouen vasitəsilə öldürdürməkdə ittiham olunurdu. Cinayəti törədən Ouen istintaqda sevgilisi əleyhinə ifadələr verdiyi üçün yalnız ömürlük həbs cəzası alıb.
2 gün öncə ABŞ-a səfərini yekunlaşdıran Roma Papası I Frantsisk Corciya ştatının rəhbərliyindən Kelli Qissendeynerin əfv olunmasını istəmişdi. Qadının 3 övladı da bu müraciətə qoşularaq analarını bağışladıqlarını söyləmişdilər. Lakin Corciya femidası bu istəklərə məhəl qoymayaraq, edam prosedurunu sona qədər keçirib.
Vüqar İsmayılov
