İspaniya La Liqasının 26-cı turu çərçivəsində keçiriləcək "Real Madird" - "Barselona" matçı təxirə salına bilər.
Modern.az xarici mediaya istinadla xəbər verir ki, bunu İspaniya Peşəkar Futbol Liqasının prezidenti Xavyer Tebas deyib.
O, "El-Klassiko"nun boş tribunalar önündə keçirilməsini də istisna etməyib.
"Madriddə koronavirus aşkarlanarsa, o zaman "El Klasiko"nu azarkeşsiz keçirmək və ya təxirə salmaq kimi variantlara əl ata bilərik", - deyə Tebas bildirib.
Qeyd edək ki, "Real-Madrid" - "Barselona" qarşılaşması sabah Bakı vaxtı ilə 00:00-da start götürməlidir.
Xatırladaq ki, mövsümün ilk "El-Klassiko"su "Kamp Nou"da qolsuz bərabərliklə başa çatmışdı.
Hazırda "Barselona" 55 xalla turnir cədvəlinə başçılıq edir. "Real Madrid" isə 53 xalla ikinci pillədə qərarlaşıb.
T.İSMAYIL
