Ötən il dekabr ayının sonunda komaya düşən Formula-1 üzrə yarışın qalibi, məşhur dünya çempionu Mixail Şumaxer ayılıb. Modern.az-ın xarici KİV-ə istinadən verdiyi xəbərə görə, 45 yaşlı idmançının meneceri Sabina Kem deyib ki, səhhəti yavaş-yavaş yaxşılaşır. Onun sözlərinə görə, Şumaxer hətta həyat yoldaşı Korinnanı tanımağa da başlayıb. Bununla yeddiqat dünya çempionunun mətbuat katibi qeyd edib ki, hələlik onun orqanizmi çox zəifdir, bu səbəbdən müəyyən müddət ayılır, sonra yenə yuxuya gedir.
Xatırladaq ki, 45 yaşlı dünya çempionu dekabrın 29-da Fransanın Ot-Savua departamentindəki Meribel zirvəsində xizəklə sürüşərkən özünü saxlaya bilməyərək qarşısına çıxan qaya parçasına dəyərək ciddi yaralanıb. Xüsusi vertolyotla xəstəxanaya çatdırılan M.Şumaxeri müayinə edən həkimlər onun zədəsinin ciddi olduğunu bildiriblər.
Modern.az
