Xabar berganimizdek, Shimoliy Kipr Turk Respublikasi (SKTR) Girne shahri yaqinida yo'lovchi kemasi cho'kib ketdi.
Modern.az xabar berishicha, cho'kib ketgan kemadan 159 kishi qutqarilgan. Bu haqda Girne shahri hokimi Murat Shenkul ma'lum qildi.
"Kemada yo'lovchilar va ekipaj a'zolari bilan birga jami 270 kishi bor. Vaziyat juda jiddiy. Qirg'oq qo'riqlash xizmati, "Akgünlerin Express" kemasi va ko'plab kichik qayiqlar qutqaruv ishlariga jalb qilingan", - dedi shahar hokimi.
Eslatib o'tamiz, qirg'oqdan taxminan 6.44 kilometr uzoqlikda cho'kib ketgan kemada 260 yo'lovchi bo'lgan.
