Bu gün UEFA Çempionlar Liqasında yarımfinal mərhələsinin ilk oyunlarına yekun vurulacaq.
Modern.az xəbər verir ki, yarımfinalın ikinci matçında İtaliya təmsilçiləri üz-üzə gələcəklər. Belə ki, “Milan” klubu “İnter”i qəbul edəcək.
“San Siro” stadionunda keçiriləcək görüşü ispaniyalı Xesus Xil Mansano idarə edəcək. Matç Bakı vaxtı ilə saat 23:00-da başlayacaq.
Komandalar arasında cavab matçı mayın 16-da keçiriləcək.
Qeyd edək ki, yarımfinalın ilk oyununda İspaniyanın “Real Madrid” komandası öz meydanında İngiltərənin “Mançester Siti” klubu ilə heç-heçə edib.
