Goranboy rayonunda taxıl biçinində yüksək məhsuldarlıq əldə olunur.
Modern.az xəbər verir ki, Goranboyda cari məhsul ilində 23739 hektar sahədə taxıl, o cümlədən 8771 hektar buğda, 13755 hektar arpa və 1213 hektar xəsil əkilib.
Hazırda rayonda arpa biçini davam etdirilir. Biçinə 100-dən artıq kombayn, 200-ə dək yük maşınları və traktorlar, baş verə biləcək yanğın təhlükəsinin dərhal alınması məqsədi ilə 30-a yaxın şum traktorları cəlb edilib.
8 iyun 2020-ci il tarixə rayon üzrə 1430 hektar sahədən 4624,5 ton məhsul götürülüb. Məhsuldarlıq 32,3 sentner təşkil edir. Bunula belə qənaətə gəlmək olar ki, bu il Goranboy rayonunda yüksək məhsuldarlıq əldə ediləcək.
