Bu gündən Böyük Britaniyada ticarət mərkəzləri fəaliyyətə başlayıb.
Modern.az xəbər verir ki, lakin bu obyektlərə gələn müştərilərdən sosial məsafəni qorumaq və maskalardan istifadə etmək tələb olunur.
Həmçinin bu gündən etibarən ictimai nəqliyyatdan istifadə edənlər maska taxmalıdır. Belə ki, ictimai nəqliyyatda yoxlamalar aparılacaq və maskadan istifadə etməyənlər cəzalandırılacaq.
Qeyd edək ki, bu tədbirlər ölkədə karantin qaydalarının yumşaldılması çərçivəsində həyata keçirilir.
