İsveç Krallığının rəsmi və qeyri-rəsmi xəbər agentlikləri Ermənistan-Azərbaycan qarşıdurmasından yazıblar.
Agentliklər xəbəri son Ermənistan-Azərbaycan qarşıdurmasında Tovuz rayonunda evi zərər çəkmiş azərbaycanlı qadının şəkili ilə yayımlayıblar. İsveç mediası bununla da diqqəti Azərbaycan tərəfinə çəkməyə çalışıb. Xəbərdə Tovuzda yaşayan qadın Ermənistan tərəfdən zədələnmiş evini göstərir.
Daha sonra xəbərdə Türkiyə Cümhuriyyətinin Prezidenti Rəcəb Tayyib Ərdoğanla Rusiya Federasiyasının Prezidenti Vladimir Putinin konfliktlə bağlı telefon danışıqlarına da yer ayrılıb.
Məsələ ilə bağlı İsveçdə yaşayan azərbaycan əsilli siyasətçi Turan Əliyev Modern.az-la fikirlərini bölüşüb.
“Avropanın nüfuzlu qəzet və saytlarının Azərbaycanın haqq səsi haqqında real məlumatları yaymağı onu göstərir ki, Avropada münaqişəyə düzgün baxış formalaşıb. Burada həm də münaqişəyə siyasətdən daha çox, insan hüquqları nöqteyi-nəzərindən yanaşma var. Əvvəllər heç bir zaman bu cür şəkillərə mediada rast gəlmək olmurdu. Ermənilər bir çox halda Xocalıda törətdikləri soyqırımını öz faciələri kimi təqdim edirdilər. Soyqırımı zamanı çəkilən fotoları özlərinə aid olduğunu yazırdılar”.
Qeyd edək ki, İsveçdə erməni diasporu və millətçi partiya cəmiyyətə belə informsiya yayırdılar ki, guya Azərbaycan dövləti erməni kəndlərini bombalıyır, sivillləri hədəf alır. Bu foto rəsmi sübutdur. Bir də İsveçdə yaşayan azərbaycanlılar Tovuzda baş verənlərlə bağlı bir nəfər kimi birləşmişdilər. Onlar istər partiyalar, istər sosial media, istərsə də hökumət orqanlarına kütləvi sürətdə muraciətlər, bildirişlər yazaraq real vəziyyəti ortaya qoymağa çalışırdılar. Artıq İsveç mediası real mənzərəni ortaya qoymaqdadır. İnformasiya təbliğatında düşmənin planları fiaskoya uğramaqdadır.
Məqalə aşağıdakı linkdədir:
//www.sydsvenskan.se/2020-07-27/putin-och-erdogan-i-samtal-om-kaukasien?fbclid=IwAR3cIEKzlthNtzU0IFpKZN3dxLllzGsc42lJuuMU7Gp-LeBgVY0s7w046FU
