Goranboy rayon İcra Hakimiyyəti başçısı Məhərrəm Quliyev Şəhidlər Xatirə Kompleksində aparılan bərpa-yenidənqurma işləri ilə yerində tanış oldu.
Modern.az xəbər verir ki, icra başçısı Kompleksdə inşa edilmiş Milli Qəhrəmanlara aid büstlərin yenilənməsi, ərazidə daha geniş səliqə-səhman işlərinin aparılması və abidənin ətrafında gül kollarının əkilməsi ilə bağlı aidiyəti şəxslərlə birgə müvafiq müzakirələr apardı.
Məhərrəm Quliyev qeyd etdi ki, goranboyluların müqəddəs ziyarət ünvanına çevrilmiş Şəhidlər Xatirə Kompleksi lazımi səviyyədə bərpa olunmalı, burada gələcəkdə məktəblilərin tarix fənni üzrə bəzi açıq dərslərinin, yeniyetmə və gənclərin vətənpərvərlik ruhunda tədbirlərinin keçirilməsi təmin edilməlidir.
