26 Yanvar 2017, 16:24 | Ana Səhifə - Yazılar - Taleyi dəyişən yaralı yurdlar
Taleyi dəyişən yaralı yurdlar

Vəfa Allahverdiyeva


Ulu əcdadların qanı ilə qazanılmış, cızılmış tarixi sərhədləri yenidən qanla geri qazanmaq müasir fəth səhifəsidir və dünyadakı bütün fəthlər kimi aprel döyüşlərində hələlik bir ovuc torpağın fəthi də həmin yerlərə insan nəfəsinin dəyməsi, qucaqlaşmaqla daha möhkəm bağlanmanı ciddi-cəhdlə tələb edir.

Çünki daimi kök salma, nisgilli oba ilə bağrı-badaş olmaq bu zəfərin qiymətini bilmək, düşmənə daha kəskin cavab vermək tərzidir.

Bir yurd o biri yurdun taleyini müəyyənləşdirir. Lələ təpənin təmizlənməsi Cocuq Mərcanlıya təhlükəsizlik qapısı hördü, onun  dəyişmək üzrə olan hazırkı aqibətinin əsas səbəbi kimi çıxış etdi.

Yəni, tar-mar olmuş, bomboş səhralığa məhkum edilmiş ərazilərin qisməti dəyişir və bu torpaqların taleyini işıqlı məcrada yeniləmək bizim qollarımızın qüdrəti arasına keçir. 

İşğal utancından çoxdan çıxarlmış Cocuq Mərcanlının adının aktuallaşması düşmənin yaralı buraxdığı vətən torpaqlarına əbədi kilidlənmənin uğurlu proloqudur.   
  

Təsəvvür edin:  Dağlıq Qarabağ və onun ətrafındakı işğal olunmuş rayonlarla bağlı sonuncu sərəncamın tarixi, bu yöndə rəsmiləşən sənədlərə hansı liderin imzasının düşməsi,  bir sözlə, adminstrativ qərarların hamısı Sovet arxivlərinə gedib çıxır.

Çünki müstəqillik dövrünün başlanğıcında güclü alov alan ərazi davası bu yerlərin sosial-iqtisadi-mədəni inkişafına dair rəsmi addımların atılmasını 20 ildən artıqdır ki, heç bir dövlət xadiminin möhürünə nəsib etmədi.

Prezident İlham Əliyevin “İşğaldan azad edilmiş Cocuq Mərcanlı kəndinin bərpası ilə bağlı tədbirlər” haqqında sərəncamını eşitmək qulaqlara xoş dəyməklə,  həm də çox boyük anlam kəsb edir.

Dövlət siyasətinin coxşaxəliliyi onu isbat edir ki, məqsəd itiriləni, istər cəng, istərsə də diplomatik yolla, sadəcə geri qaytarmaq və bu zəfər üzərindən daxildə, xaricdə reklam qurmaqdan, hərbi potensialla düşmən qarşısında ədalanmaqdan ibarət deyil; geri alınan yaralı yurdları insan məskəninə çevirmək,  tikmək, əkmək, sulamaqla əsl yurd halına gətirmək addımların, iddialarımızın ən qəti, vacib  olanıdır.

Aldıqca tikmək, tikdikcə yerləşdirmək, yerləşdikcə möhkəm sarılmaq vətən yaratmaq fəlsəfəsinin sadə düsturudur.       

Vaxtilə ictimai rəydə belə bir zərərli  fikir var idi ki, dövlət əgər hər rayonda bir qaçqın qəsəbəsi yaradırsa-bütün infrastrukturu ilə birgə-bu, o deməkdir ki, torpaqların alınması illüziyadır; Lap dövlət  öz ərazilərini düşmən caynağından qoparsa da, qaçqın və köçkünləri o yerlərə qaytarmaq mümkün olmayacaq.

Günü bu gün bu fikri gerçəklik intonasiyasında söyləmək, şübhəli düşüncələr  üzərindən mühakimə yürütmək ciddi yanlışlıqdır.

Birincisi, torpağın tapdaqdan qurtulması zaman aldığı bir şəraitdə qaçqın və köçkünü açıq havada, soyuğun, sazağın altında buraxmaq dövlətin şərəfinə, qüruruna yaraşan davranış olmazdı.  

Bundan başqa, dövlət süqut pilləkənini coxdan enib, intibah, yüksəliş nərdivanına çoxdan qalxıb-hərbi potensial fəthlərə mərhələ-mərhələ imza atır. İllüziya deyilən ehtimalsa qısır qalmaqda davam edir.   
   

İkincisi, insanın doğulduğu və böyüdüyü yerlər böyük vətənin ən şirin parçası olur, həmişə. Kənarda ölən birisinin öz yurdunda dəfn vəsiyyəti elə-belə yaranmır. Bu mənada qaçqın və köçkün vətən içində müvəqqəti bir qəriblik yaşayır. O zaman ki, uzun-uzadı qaçqınlıq haşıyəsi, el-oba xiffəti bitir, o yerdə köçüb getmək dərdə yox, sevincə çevrilir. Munis duyğular, isti ləpirlər, yurdun qiblə olmaq mahiyyəti o yerin sakinlərini cazibə qüvvəsi ilə ozünə bağlamağa məhkumdur.  

Üçüncüsü, paytaxtın, şəhər modelinin  tərtəmiz, geniş asfalt yolları üzərində həyat mücadiləsi aparıb yaşamaqla, palçığa dönən torpağın vəfası, səxavəti arasında müqayisə aparmağa kifayət qədər vaxtı olmuş qaçqın və köçkünə vətənin ağaclı, dağlı, bərəkətli, onu yox yerdən ruzulu edən hissəsi daha cazib gəlməyə başlayacaq və dövlətin əl qoyduğu tikinti prosesi özü bu qayıdışa etibarlı stimul verəcək. 

Cocuq Mərcanlıda hörülən divarlar vətən içində vətən dərdlilərə güclü bir məcun olacaq. Çünki qaçqının, köçkünün, alovda yanmış vətənin uğurlu bəxti yenidən açılır. Gözəl tale yazanın qələmi iti olsun!..

 

MÜƏLLİFİN DİGƏR YAZILARI
Almaniyanın ilk kansleri kim olacaq? 24 Sentyabr 2021, 12:27 Prezident şəxsi xüsusiyyətlərindən danışdı: “Prinsipcə, sakit insanam” 24 Sentyabr 2021, 12:10 ADU-da Ülvi Bünyadzadənin anım mərasimi keçirildi - FOTOLAR 24 Sentyabr 2021, 12:05 İlham Əliyev İraqın neft nazirini qəbul edib 24 Sentyabr 2021, 12:00 “Ermənistan Azərbaycana qarşı ərazi iddiaları irəli sürməyə davam edərsə...” – Prezident 24 Sentyabr 2021, 11:56 Prezident müharibədə XTQ-nin rolundan DANIŞDI 24 Sentyabr 2021, 11:52 Yuxarı Qarabağ kanalında bir nəfər batıb 24 Sentyabr 2021, 11:48 Horadiz-Cəbrayıl-Zəngilan-Ağbənd yolunun tikintisindən FOTOLAR 24 Sentyabr 2021, 11:44 Bu tarixədək Azərbaycan internetlə tam təmin olunacaq 24 Sentyabr 2021, 11:38 MRT və KT müayinələri üçün əks göstərişlər AÇIQLANDI 24 Sentyabr 2021, 11:35 Sentyabrda temperatur normadan yüksək olub 24 Sentyabr 2021, 11:34 Nazir azad edilmiş ərazilərdə kənd təsərrüfatının potensialından DANIŞDI 24 Sentyabr 2021, 11:30 Ağsaqqallar Şurasından Tahir Süleymanova ad günü təbriki 24 Sentyabr 2021, 11:30 Borcunu qaytarmaq istəməyən soydaşımızdan qandonduran QƏTL 24 Sentyabr 2021, 11:26 Milli Məclisdə narkomaniya ilə bağlı dinləmə keçiriləcək 24 Sentyabr 2021, 11:25 İxtisaslı işçilərin sayı çox azdır - Nazir 24 Sentyabr 2021, 11:22 Səyyad Əlizadənin son DURUMU 24 Sentyabr 2021, 11:19 Eldar Həsənov yenidən məhkəmə qarşısında 24 Sentyabr 2021, 11:16 Eks-deputatın oğlu küçənin ortasında güllələndi 24 Sentyabr 2021, 11:11 Ekspertdən fərqli baxış: Pandemiya cinayətləri azaldır - DİN reaksiya verdi 24 Sentyabr 2021, 11:10 NATO-nun yeni hədəfi Çindir 24 Sentyabr 2021, 11:05 Yaşayış yerini tərk etmiş koronavirus xəstəsi olan tibb işçisi saxlanıldı 24 Sentyabr 2021, 11:00 Şəhidlərin məzarı ziyarət olunub 24 Sentyabr 2021, 10:56 Ağdamın Ətyeməzli kəndi - VİDEO 24 Sentyabr 2021, 10:55 Avqustda pensiya alanların SAYI 24 Sentyabr 2021, 10:50 Azərbaycanda bu institutun adı dəyişdirildi 24 Sentyabr 2021, 10:46 Ceyhun Bayramov xarici işlər nazirlərinin illik toplantısında çıxış etdi  24 Sentyabr 2021, 10:40 “Dəmir yumruqla yazılan Zəfər Səlnaməsi” 24 Sentyabr 2021, 10:35 Ermənistan məğlubiyyətin günahkarlarını axtarır - Arayik və Cəlal Arutunyanlar həbs oluna bilər 24 Sentyabr 2021, 10:32 Karantin qaydalarını pozan toy təşkilatçısı cərimələndi 24 Sentyabr 2021, 10:30 Azərbaycan neftinin qiyməti 78 dolları ötdü 24 Sentyabr 2021, 10:26 Təhsil müəssisələrində Anım Günü qeyd olunacaq 24 Sentyabr 2021, 10:22 Salyanda narkotik alverçiləri ələ keçdi 24 Sentyabr 2021, 10:16 Rusiya və Fransa XİN başçıları Qarabağı müzakirə etdi 24 Sentyabr 2021, 10:10 Bu il minlərlə tələbənin təhsil xərcini dövlət ödəyəcək 24 Sentyabr 2021, 10:05
SORĞU Hansı vaksinə etibar edirsiniz?