22 Aprel 2019, 09:35 | Ana Səhifə - Yazılar - Azərbaycana xain gözlə baxanlar...
Azərbaycana xain gözlə baxanlar...

Elman Babayev


Azərbaycanın dünyaya inteqrasiyası, Avropa ilə əməkdaşılığı hansısa bir mərhələdə bitən proses deyil, sözsüz ki, davamlıdır. Bu proses başlanan gündən ta indiki zamana qədər heç bir addım asan başa gəlməyib. Azərbaycan müstəqil olmasına rəğmən müxtəlif istiqamətlərdən təzyiqlər görüb, hər dəfəsində də bu təzyiqlərdən alnıaçıq çıxıb.

 

Dövlət Qərb-Rusiya tərəzisində ciddi ağırlıq yaranmasın deyə, hər daim müstəqil xarici siyasəti ciddiyyətə alıb, amma əlbəttə də ki, dinamik əməkdaşlıq, çeşidli saziş, intensiv müzakirələr əsasən, Avropa istiqamətində getməlidir deyə, Azərbaycan da bu vacibliyə hər dəfəsində sadiq qalıb. Çünki bu, zamanın, dünyadakı yeni münasibətlər sisteminin tələbidir. 

 

Məsələ burasındadır ki, Avropa ilə əməkdaşlıq sənədlərinin yenilənməsi, təkrar imzalanmalar istər xaricdə, istər daxildə  mütləq müxalif cəbhə açır və ölkənin üzərinə arqumentli-arqumentsiz tənqidi mülahizələr yönəlir. Nəinki təkcə tənqid, hətta qızışdırıcı metodlarla ölkədə xaos mühitinin yaranmasına cəhdlər də edilir. Biz artıq çoxdandır belə qüvvələrə “5-ci kolon” və xarici anti-Azərbaycan qüvvələri deyirik. Bu cür qüvvələr doğrudan da, təhlükəli qüvvələrdir, çünki özbaşına hərəkət etmirlər, müəyyən bir mərkəzdən, planlaşdırılmış siyasi xətdən çıxış edirlər. 


Çox yaxşı haldır ki,  Azərbaycan özünə gələn təhlükələri zamanında hiss edə bilir, müəyyən informasiyalara malik olur və hər cür təhdidə, dramatik duruma özünü hazır vəziyyətdə saxlaya bilir. Bu, başlıca keyfiyyətdir.

 

Azərbaycan buna necə nail olur? Sözsüz ki, uğurlu daxili siyasətlə cəmiyyəti ölkənin maraqları, mənafeyi üçün səfərbər edir. Gəlin baxaq, prezident İlham Əliyev bütün daxili və xarici təzyiqlərdə necə hərəkət edir ? Təbii ki, başını aşağı salaraq, daxili və xarici siyasəti ölkəsinin mənafeyi prizmasından necə münasib bilirsə, geri çəkilmədən o şəkildə yürütməkdə davam edir.

 

Dünən neft kəmərlərinin çəkilişində olan təzyiqlər necə puça çıxdısa, Cənub Qaz Dəhlizi kimi layihə bütün maneələri aşacaq bir iradə əsasında öz aktuallığını qoruyub saxlayır və kimlərinsə əngəlindən ölü doğulan bir proyektə çevrilməyə hazırlaşmır. Mühüm transmilli enerji və nəqliyyat layihələrinin reallaşdırılması ölkəmizin strateji mövqelərini daha da gücləndirdiyindən Azərbaycan Qərbə daha geniş açılmaq niyyətindədir və Avropa İttifaqı ilə strateji tərəfdaşlıq sazişinin hazırlanmasında yekun mərhələyə qədəm qoyub.    


Bu il Azərbaycan dünyanın 120-dən artıq ölkəsini birləşdirən Qoşulmama Hərəkatına rəhbərlik edəcək. Bu da uğurdur!

 

Uğurlar yalnız o adamları sevindirə bilir ki, orda payları, imzaları var . Uğurlar düşmən xislətli adamlarda isə qıcıq, xainlik yaradır və onları pis əməllərdə şərik olmağa sürükləyir. Xarici anti-Azərbaycan qüvvələri və “5-ci kolon” bu qəbildəndir, hazırda Azərbaycan naminə, mövcud hakimiyyət əleyhinə hər cür pislik üçün yenidən hərəkətə keçib. 

     

Məqsəd odur ki, Azərbaycan tutduğu xətdən imtina etsin. Etmədikdə isə, müxtəlif təşkilatlar, sorğu mərkəzləri dövlət başçısı, onun komandası, ailəsi haqqında hər cür qarayaxma kampaniyasını, böhtanı, ittihamı dövriyyəyə buraxır.   

 

Bunun qarşılığında prezident İlham Əliyev bütün diqqətini cəmiyyətin problemləri ilə məşğul olmağa yönəldir, çünki yalnız iqtisadi cəhətdən inkişaf etmiş, vətəndaşı sosial qayğılardan uzaq, sabitliyi dönməz xarakter alan bir ölkə xarici təzyiqlərə, daxili hücumlara sinə gərə bilər. İlham Əliyev bəzən şəxsinə yönəlmiş ən idbar forma alan gözdənsalma kampaniyalarına səbr nümayiş etdirib, cəmiyyətin qarşısına gördüyü, görmək istədiyi işlərin siyahısı ilə çıxır.

 

Son 1 ildə başladılan yeni iqtisadi islahatlar nəticəsinə əldə olunan əlavə gəlirlər əhalinin sosial problemlərinin həllinə yönəldilir. Əhalinin rifahını yüksəltməyə xidmət edən addımların həm əhatəsi, həm də maliyyə tutumu artıb. Açıqlanan rəqəmlərə istinad etsək, sosial sahəni əhatə edən fərman və sərəncamların maliyyə yükü büdcədən əlavə 2,5 milyard manata yaxın bir məbləğlə ifadə olunur və icra olunan sosial paket Azərbaycan əhalisinin az qala yarısına şamil olunacaq. Arxada qoyduğumuz 3-4 ay ərzində narahatçılıq doğuran əksər problemlər cözümünə qovuşub.  Xalqla təmas daha da intensivləşib.


Başqa yeni islahatlar anons edilib və ortada icraya yönəldilən konkret qərarlar da var. Səhiyyə, məhkəmə və başqa sahələrdə narahatçılıq doğuran halların tam aradan qaldırılması üçün sənədlər imzalanıb.

 

Ümumi yanaşdıqda isə Azərbaycan son dövr də daxil olmaqla 15 ildə dinamik inkişaf edib, müasirləşmək imkanı qazanıb, ölkəmizin dünyaya inteqrasiyası qarşısıalınmaz bir sürətlə gedib və bütün bu uğurlar məhz İlham Əliyevin adı ilə bağlıdır. O, prezidentlik dönəmində Azərbaycanı hər cür çətinliklərdən qorumaq, daha da gücləndirmək missiyasını uğurla gerşəkləşdirə bilib.

 

Azərbaycan investisiya yatırılan ölkədən, investisiya qoyan, çeşidli xarici məhsullar idxal olunan ölkədən, müxtəlif növlü mal ixracatçısına çevrilib. Ölkəmiz  qlobal iqtisadi proyektlərin başlıca səhmdarı statusuna çatıb.

Bununla yanaşı, beynəlxalq aləmdə Azərbaycanın nüfuzu artıb. Elə bir il olmaz ki, ölkəmizin dünyada nüfuzunu gücləndirən, gücünə-güc qatan beynəlxalq səviyyəli addım atılmasın.

 

Dünyanın aparıcı güc mərkəzləri, qonşu dövlətlərlə qarşılıqlı maraqlara əsaslanan sıx əməkdaşlıq əlaqələri quran Azərbaycan indi bir sıra regional formatların təşəbbüskarı və fəal iştirakçısıdır. Azərbaycan istənilən təzyiqlər qarşısında məhz bunlara görə qorxusuz, özünə güvənən, özünə arxayın, inamlı, qürurlu dayanır.   

 

Əslində Azərbaycanın uğurlarına sevinən, onun mənafeyini güdən, qanında bu millətin qanını daşıyan hər bir fərd görülən işlərin miqyasını dərk edər, nəinki “5-ci kolon”un xain ssenarilərinə dəstək verər; xaricdə oturub, ölkəsi əleyhinə çirkin kampaniya aparar. Təəssüf ki, vəziyyət məhz belədir! Azərbaycana xain gözlə baxanlar çoxalır.    

Çünki Azərbaycan Avropanın enerji təhlükəsizliyinə töhfə verir; Azərbaycanın iqtisadi gələcəyinin qarantı olan qaz layihələri-TANAP, TAP,  əfsanəvi Transxəzər proyekti xəyaldan gerçəkliyə qovuşur.

 

Ölkəmizi sevməyən xarici dairələrin narahatçılığı məhz bu məqamdadır.

Bir müddətdir ki, “Trensparency İnternational”, “Amnistey İnternational”, OCCRP və digər bu kimi qurumlar hərəkətə gətirən səbəb də bu amildədir.  İstər xarici anti-Azərbaycan qüvvələri, istər “5-ci kolon” çalışır ki,  Azərbaycan hər cür böhtanla beynəlxalq qınaq obyektinə çevrilsin, ictimai narazılıq artsın, ölkədə qarmaqarışıq bir vəziyyət yaransın, bundan istifadə edən maraqlı çevrələr Azərbaycan üzərindən özlərinə gərəkli olan ssenariləri başlatsınlar.

 

Ən pis ssenari iqtidarın opponentlərinə də lazımdır! Uzunömürlü müxalifətçilik onu günbəgün zəiflədib meydandan çıxarma qorxusu altında  saxlayır. Odur ki, güclənən Azərbaycanın əleyhinə formalaşacaq üçbucağın  xarici anti-Azərbaycan, “5-ci kolon”, üstəgəl siyasi müxalifətlə tamamlanması şübhə doğurmur.

 

İlham Əliyevsə sırf daxili siyasətdə möhkəmlənmək, uğurlar qazanmaq üçün aparılması vacib olan sosial-siyasi islahatları dərinləşdirəcək, xalqla dövlətin birliyini daha da möhkəmləndirmək üçün zəruri  addımlar atacaq. Ona görə də hansısa çirkli planların hansısa qüvvələr üzərindən Azərbaycanda təkrarlanması imkanları yenə də minimuma enəcək. Çünki xalqa, iyrənc, qorxunc planlarda alət olmaq yox, məhz islahatlar və bu islahatların nəticəsində problemlərin aradan qalxması lazımdır ki, hakimiyyət ilk növbədə bu siyasətə hazırlıq aparır. Gücünü xalqdan alan bir hakimiyyət necə etməlidirsə, İlham Əliyev də məhz belə edir!   

 

MÜƏLLİFİN DİGƏR YAZILARI
ABŞ-dan Rusiyadakı etirazlara dəstək - Kreml QƏZƏBLƏNDİ 23 Yanvar 2021, 18:16 Millimiz oyunlarını Belçikada keçirəcək 23 Yanvar 2021, 18:10 Naxçıvanda yenidən zəlzələ oldu 23 Yanvar 2021, 18:05 Braziliyada karnaval keçirilməyəcək 23 Yanvar 2021, 17:57 Türkiyənin PUA-ları Qarabağda müharibə metodlarını dəyişdirdi - Ərdoğan 23 Yanvar 2021, 17:50 Kəlbəcərin Qamışlı kəndi - VİDEO 23 Yanvar 2021, 17:44 Polad Bülbüloğlu Şuşada atasının evində - VİDEO 23 Yanvar 2021, 17:37 Azərbaycanda daha 162 nəfər yoluxdu - 8 nəfər öldü 23 Yanvar 2021, 17:30 Rusiyada etirazlar zamanı saxlanılanların sayı 1000-i KEÇDİ 23 Yanvar 2021, 17:24 Kamal Abdullanın romanı Almaniyada çap olundu 23 Yanvar 2021, 17:17 AQTA epizootik vəziyyətlə bağlı vətəndaşları diqqətli olmağa çağırır 23 Yanvar 2021, 17:11 Dünya jurnalistikasının canlı əfsanəsi vəfat etdi 23 Yanvar 2021, 17:04 İlham Əliyev Zelenskiyə başsağlığı verdi 23 Yanvar 2021, 17:00 Məişətdə yanğın baş verməməsi üçün nə edilməlidir? 23 Yanvar 2021, 16:55 İşğaldan azad olunmuş rayonlara qeydiyyat dayandırılıb - Rayon RƏHBƏRLƏRİ 23 Yanvar 2021, 16:49 SOCAR-ın fəaliyyətinin diaqnostikası aparılacaq 23 Yanvar 2021, 16:43 Prezidentdən SOCAR-ın idarə edilməsinin təkmilləşdirilməsi ilə bağlı FƏRMAN 23 Yanvar 2021, 16:36 Navalnının tərəfdarları polislə toqquşdu: yaralananlar var 23 Yanvar 2021, 16:30 Navalnının həyat yoldaşı da həbs olundu 23 Yanvar 2021, 16:25 Komissiya müharibədən qayıdan 5 298 müraciətinə baxıb 23 Yanvar 2021, 16:18 Moskvada minlərlə etirazçı Kremlə doğru İRƏLİLƏYİR 23 Yanvar 2021, 16:12 SOCAR-ın Müşahidə Şurasının tərkibi təsdiqləndi - SİYAHI 23 Yanvar 2021, 16:06 Moskva, Peterburq, Novosibirsk, Vladivostok... – Rusiyada kütləvi aksiyalar – FOTOLAR 23 Yanvar 2021, 16:00 Pandemiya tələblərini pozan 17 obyekt cərimələndi 23 Yanvar 2021, 15:55 Daha 13 müəssisə Rusiyaya pomidor və alma ixrac edəcək 23 Yanvar 2021, 15:50 Azərbaycanda bu məşhur broyler müəssisəsi iflas etdi 23 Yanvar 2021, 15:44 İran XİN başçısı Bayden administrasiyasına çağırış etdi 23 Yanvar 2021, 15:37 Prezident İsmayıl Hacıyevi “Şöhrət” ordeni ilə təltif etdi 23 Yanvar 2021, 15:30 Tərtərdə karantin rejimini pozan çayxana aşkar edildi 23 Yanvar 2021, 15:22 “Təhsil naziri ictimai fikrə böyük önəm verir” - Müşavir 23 Yanvar 2021, 15:15 Azərbaycan torpağı Zəngəzur və ermənilərin iç üzü dünyanın gözü ilə 23 Yanvar 2021, 15:09 Şəhidin üzünü görmədiyi oğlu UĞUR doğuldu - FOTO 23 Yanvar 2021, 15:02 Deputatlar sabah Strasburqa gedirlər 23 Yanvar 2021, 14:55 Şəhidlərin ailə üzvlərinə sosial ödənişlər təyin olundu 23 Yanvar 2021, 14:48 Azərbaycanda yeni qanun layihəsi hazırlanır 23 Yanvar 2021, 14:42